Учебное пособие по предмету «Каракалпакский язык» написано и утверждено на основе учебного плана и рабочей программы. Учебное пособие предназначено для студентов высших учебных заведений, обучающихся по специальности на узбекском языке

17.5. Tekstti oqıp ishinen atlıq sózlerdi tawıp, sorawlar qoyıń, qosımtalarǵa ajıratıń.
Mádeniy miyraslarımızdıń qayta tikleniwi
1994 – jılı húkimet qararı menen Uluǵbek jılı dep járiyalanıwı, onıń 600 – jıllıǵınıń Ózbekstanda hám dúnya júzlik kólemde keńnen belgileniwi de ullı oyshıl qaldırǵan ilimiy miyrastıń ulıwma insanıylıq qádiriyatqa aylanǵanlıǵınıń belgisi bolıp tabıladı.
Ál Xorezmiy, Beruniy, Ibn Sino, Zaxriddin Babur hám basqa da kóplegen ata – babalarımız milliy mádeniyatımızdı rawajlandırıwǵa úles qosqan oyshıllar bolıp, xalqımızdıń milliy maqtanıshı.
Ózbekstanda hár jılı A.Nawayı, Babur, Mashrab, Agahiy, Furqat, Fitrat, Sholpan, Abdulla Qodiriy, Usman Nasır sıyaqlı ullı shayır hám aǵartıwshılardıń tuwılǵan kúnlerinde ádebiy kesheler ótkeriw dástúrge aylandı.
Qospa atlıqlar hám onıń túrleri
Qospa atlıqlar jasalıwına qaray tómendegi túrlerge bólinedi:

Qospa atlıqlar da dara atlıqlar sıyaqlı ǵalabalıq hám menshikli zattı ataydı. Olar kishi hárip penen jazıladı: qoy, qora, temirpesh, qarabaraq, awıl xojalıǵı hám t.b.
Menshikli qospa atlıqlar adam yamasa bir zattıń menshikli atın bildiredi. Olar bas hárip penen jazıladı. Menshikli atlıqlardıń bas hárip penen jazılıwında óz – ara ózgeshelikler bar:
Birikken menshikli atlıqlardıń dáslepki háribi bas háripten baslanıp jazıladı: Sultanbek, Aysánem, Bozataw, Qaraózek, Mayjap.
Birikpegen qospa atlıqlardıń jazılıwı eki túrli boladı.
1. Mámlekettiń, respublikanıń hám onıń joqarǵı shólkemleriniń atları, joqarǵı shólkemlerdiń húrmetli ataqlarınıń hár bir sózi bas háripten baslanıp jazıladı. QR Joqarǵı Keńesi Prezidiumı, QR Ministrler Keńesi hám t.b.
2. Mámleketlik hám respublikalıq mákeme, kitap, jurnal hám taǵı basqalardıń menshikli atlarınıń tek birinshi sózi bas háripten baslanıp jazıladı. QR Mádeniyat ministrligi, QR Xalıq bilimlendiriw ministrligi, «Qaraqalpaq qızı» romanı.
17.6. Gazeta, jurnallardan ullı tulǵalarǵa arnap jazılǵan maqalalar tawıp kóshirip jazıń, ishindegi atlıq sózlerdiń qosımtaların ajıratıń.