Тузувчидан Ушбу "Электр схемаларни ўқиш"

рeak- to - peak ripple
- кучланишни текислашдан кейин қолган пульсациялар 
амплитудаси. Пульсациялар фақат юклама уланганда ҳосил бўлади. 
69-расм. Тўғрилагич кўприк схемаси текисловчи фильтри билан 

---

95 
70-расм. Икки ярим даврли тўғрилагич схемаси 
71-расм. Икки қутбли кучланиш берувчи тўғрилагич кўприк схемаси 
72-расм. Кучланиш қийматини икки баробар кўпайтирувчи тўғрилагич 
схемаси 
70-расмда икки ярим даврли тўғрилагич схемаси кўрсатилган. Бу 
схемада юклама қаршилиги (схемада кўрсатилмаган) чиқиш билан Ер 
оралиғига уланган. Трансформаторнинг чиқиш ўрамлари иккига бўлиниб, 
ўрта нуқтаси Ерга уланган. Ўзгарувчан кучланишнинг мусбат ярим даври 
юқоридаги диод анодига келганида, диод очилиб, ток диод – юклама 
қаршилиги – трансформаторнинг ўрта нуқтаси орқали оқади. Ўзгарувчан 

---

96 
кучланишнинг мусбат ярим даври қуйидаги диод анодига келганида 
(юқоридаги диодга манфий ярим давр келади – диод ёпиқ) диод очилиб ток 
пастги диод – юклама қаршилиги - трансформаторнинг ўрта нуқтаси орқали 
оқади. Натижада, юклама қаршилиги орқали ток бир йўналишда 
кучланишнинг икки ярим даврида ҳам оқади. 
71-расмдаги кўприк схемали тўғрилагичда чиқиш ўрамларининг ўрта 
нуқтаси Ерга уланган трансформатор ишлатилган. Тўғриланган кучланиш 
чиқишдаги иккита конденсатор билан иккига бўлинади. Шунда Ерга 
нисбатан юқоридаги конденсатор чиқишида мусбат кучланиш, қуйи диод 
чиқишида манфий кучланиш бўлади. Демак , бу схемада бир вақтда 
қийматлари бир хил бўлган икки қутбли кучланиш олиш мумкин. 
72-расмдаги тўғрилагич схемаси ёрдамида трансформатор чиқишидаги 
кучланишни икки баробар кўпайтириш мумкин. Трансформатор чиқишидаги 
ўзгарувчан кучланишнинг мусбат ярим даврида ток юқоридаги диод, 
конденсатор ва трансформатор ўрамлари орқали оқиб ўтади. Кучланишнинг 
манфий қутби учун қуйи диод очилиб, ток қуйи конденсатор, диод ва 
трансформатор ўрамлари орқали оқиб ўтади. Натижада, тўғрилагич 
чиқишига уланган юклама қаршилигига кетма кет уланган икки конденсатор 
кучланиши берилади. Ҳар бир конденсатор трансформатор кучланишининг 
амплитуда қийматигача зарядлангани туфайли юклама қаршилигидаги 
(схемада кўрсатилмаган) кучланиш трансформатор чиқишидаги кучланиш 
амплитудасидан икки баробар катта бўлади. 
73-расм. Кучланиш кўпайтирувчилари 
А – кучланишни икки, В – уч ва С – тўрт баробар кўпайтириш схемалари 
73-расмда кучланишни кўпайтириш схемалари кўрсатилган. А – 
кучланишни икки баробар кўпайтириш схемасининг ишлашини юқорида 
кўриб чиқдик. Кучланишни уч баробар кўпайтириш схемаси (В) қуйидагича 
ишлайди. Трансформатордаги ўзгарувчан кучланишнинг биринчи мусбат 
ярим даврида биринчи конденсатор биринчи диод орқали амплитуда 
қийматигача зарядланади. Кейинги манфий ярим даврда иккинчи 
конденсатор, биринчи конденсатор ва иккинчи диод орқали зарядланади.Бу 
конденсатордаги кучланиш трансформатор ва биринчи конденсатордаги 
кучланишларни йиғиндисига тенг бўлади, яъни трансформатордаги 
кучланишдан икки баробар катта бўлади. Навбатдаги мусбат ярим даврдан 

---

97 
учинчи конденсатор трансформатордан иккинчи конденсатор орқали 
зарядланади. Натижада, учинчи конденсатордаги кучланишнинг қиймати 
трансформатор ва иккинчи конденсатор кучланишларининг йиғиндисига тенг 
бўлади. Бу кучланиш трансформатор кучланишидан уч баробар катта бўлади. 
Кўпайтириш схемаларидан катта ток олиб бўлмайди. 
74-расм. Стабилизация қилинган кучланиш манбаси 
74-расмдаги схемадаги кўприк схемаси ўзгарувчан кучланишни 
тўғрилайди, конденсатор тўғриланган кучланиш пульсацияларини 
текислайди, стабилизатор бўлса чиқиш кучланишни стабилизация қилади, 
яъни тармоқ кучланиши ва юклама токи ўзгаришларига қарамай чиқишдаги 
кучланиш ўрнатилган қийматда қолаверади. Стабилизатор сифатида 
замонавий интеграл стабилизаторлари ишлатилиши мумкин. 
75-расм. μА723 стабилизаторининг соддалаштирилган схемаси