Turizm va mehmonxona xo’jaligi” kafedrasi o’zbekiston iqtisodiyoti fani bo’yichA

Sog‘liqni saqlash sohasi. 1998-yilda qabul qilingan Sog‘liqni saqlash tizimini isloh qilish davlat dasturi mamlakatimizda butun tibbiyot tizimini tubdan qayta qurish, ambulator-poliklinika va profilaktika tibbiyotiga ustuvor ahamiyat berishga o‘tishda muhim omil bo‘ldi. 2016-yilga kelib ambulatoriya-poliklinika tibbiy xizmatini ko‘rsatuvchi tibbiyot maskanlari soni 6542 taga etdi. Shundan, qishloq va shahar vrachlik punktlari soni 3400 tadan oshiqni tashkil etdi.

Sog‘liqni saqlash sohasi ko‘rsatkichlari aholi turmush sifatining muhim mezonlaridan biri hisoblanadi. Ambulator-poliklinika bo‘g‘inining mustahkamlanishi tufayli bemorlarning shifoxonalarda yotib davolanish darajasi har 100 kishiga nisbatan kamayib, 1990-yildagi 24,6 kishidan 2016-yilda 16,7 kishiga tushdi va bemorning kasalxonada davolanishi o‘rtacha 14,8 kun o‘rniga 8,3 kunga to‘g‘ri kelmoqda.

2011– 2016-yillarda 800 ga yaqin sog‘liqni saqlash muassasasi (viloyatlardagi 27 ta ko‘p tarmoqli markaz, 12 ta mintaqaviy tibbiy diagnostika markazi va 10 ta respublika ixtisoslashtirilgan markazi) qurish, rekonstruksiya qilish va ularni jihozlash ishlari amalga oshirildi.

Mamlakatimiz sog‘liqni saqlash tizimida, ijtimoiy sohadagi davlat siyosatining asosiy yo‘nalishlaridan biri bo‘lgan ona va bola salomatligini muhofaza qilish masalasi yetakchi o‘rin egallaydi.

Yodlangan tuz ishlab chiqarishning kengaytirilishi, unni boyitish dasturlarining amalga oshirilishi, aholi o‘rtasida keng tushuntirish ishlarining olib borilishi natijasida yurtimizda yod tanqisligi, temir moddasi va foliy kislota yetishmasligi bilan bog‘liq kasalliklar so‘nggi o‘n yil ichida 2 barobar kamaydi.