Turizm va mehmonxona xo’jaligi” kafedrasi o’zbekiston iqtisodiyoti fani bo’yichA

7.3. Ilmiy, ilmiy-texnika salohiyati
Ilmiy salohiyatning makroparametrlari bo‘lib YIMning fan sig‘imi, ilmiy tarmoqlarda band bo‘lganlarning o‘rtacha yillik soni va ularning iqtisodiyotda band bo‘lganlarga nisbati, ilmiy tashkilot va muassasalarning soni hisoblanadi.

An’anaviy ilmiy tashkilotlar uchta sohaga bo‘linadi: akademik, oliy o‘quv yurtlari va tarmoq institutlari. Yirik korxonalar huzurida ham ilmiy tadqiqot ishlari bilan shug‘ullanadigan bo‘limlar mavjud. 2016-yilda mamlakatimizda 437 ta ilmiy tadqiqot va tajriba-konstruktorlik ishlanmalarini bajaradigan tashkilotlar faoliyat ko‘rsatdi. Ulardan 65 tasi ilmiy tadqiqot tashkilotlari, 63 tasi oliy ta’lim muassasalari, qolganlari loyiha va loyiha-qidiruv tashkilotlari, sanoat korxonalari va konstruktorlik tashkilotlaridir. Bu tashkilotlarda 36984 nafar kishi ilmiy xodimlar hisoblansa, ularning 31966 nafari ilmiy tadqiqot va tajriba-konstruktorlik ishlarini bajarganlardir.