Tuproqshunoslik va geografiya

3-jadval

Surxondaryo viloyatining asosiy kanallari va kollektorlarining gidrografik ko’rsatkichlari

T/R.	KANAL, KOLLEKTORNING NOMI	UZUNLIGI (KM)	ENG KATTA SUV O’TKAZISH QOBILYATI (M^3/SEK)	KANALNING JOYLASHGAN O’RNI
1	Zang kan.	88	86	Surxondaryo.viloyati
2	Sherobod kan.	62	80	Surxondaryo viloyati
3	Amu-Zang kan.	57	120	Surxondaryoviloyati
4	Hazarbog’ kan.	54	80	Surxondaryo viloyati
5	Qumqo’rg’on kan.	53	30	Surxondaryo viloyati

Amu-Zang kanali. Amu-Zang mashina kanali - Surxondaryo viloyatidagi sug‘orish kanali. Amudaryo o‘ng qirg‘og‘idan, Surxondaryoning quyilish joyidan 16 km yuqoridan suv oladi. Amudaryo suvini Zang gidrouzeli yuqoriga ko‘tarib beradi. 1973 yilda qurilgan. Uzunligi 56 km, suv o‘tkazish imkoniyati 20 m³/sekund Suvni maksimal ko‘tarib berish balandligi 77 m (ikki bosqichda). Kanal tarkibiga ikkita bir xil tipdagi nasos stansiyalari kiradi. Amu-Zang 1 nasos stansiyasi suvni daryodan 500 m uzunlikdagi ta’minlovchi kanal orqali oladi, ko‘tarish balandligi 33 m, 16 nasos agregati o‘rnatilgan, umumiy quvvati 10 ming kVt; Amu-Zang 2 nasos stansiyasining suvni ko‘tarib berish baandligil 44 m, quvva­ti 12,8 ming kVt. Amu-Zang kanali ishga tushirilishi Surxondaryo viloyatining janubida Zang magistral kanalidan sug‘oriladigan 20 ming ga yerni Amudaryo suvi bilan sug‘orish imkoniyatini yaratdi.