Tuproqshunoslik va geografiya

Uchqizil suv ombori- Surxon­daryo viloyati Termiz shahridan shimol tomonda, 20 km uzoqlikda, Uchqizil yo’li yaqinidagi suv ombori. Atro­fi tepaliklar bilan o‘ralgan taqasimon tabiiy chuqurlikda barpo etilib, 1957 yilda foydalanishga to‘liq topshirilgan. Umumiy hajmi 160 mln. m³, foydali hajmi 80 mln. m³. Zang kanali va uning Janubi Zang suv keltirish kanali orqali Surxondaryo suvi bilan to‘ldiriladi.


1-rasm Uchqizil suv ombori
Suv omborining asosiy inshootla­ri: mayda donador qum bilan ko‘tarilgan janubiy va g‘arbiy dambalar; minora ko‘rinishidagi suv chiqargich va bosh rostlagich dambalar; 1150 m uzunlikdagi jaubiy dambaning balandligi 11,5 m, tepa qismining kengligi 6 m, devorlari qiyaligining yuqori qismiga armobeton plitalar yotqizilgan. 2260 m uzunlikdagi g‘arbiy dambaning balandligi 5,2 m. Suv chiqargichdan 70 m masofada ochiq suv bo‘lgich – bosh rostlagich qurilgan bo‘lib, u suvni sharqiy va g‘arbiy taq-simlash kanallariga bo‘lib beradi.