Tuban o‘simliklar

Lishayniklarning sistematikasi. Lishayniklarning sistema-tikasi mikobiontning sistematikasi asosida yaratilgan. Fotobiont mutaxassislarning fikricha klassifikatsiyada ahamiyatili emas. Qadimdan klassifikatsiyada (diagnostikada ham) ularning kimyoviy tarkibi xususiyatlaridan foydalanilgan. Keyingi paytda mutaxas-sislar orasida bu belgilarning ahamiyati ortib bormoqda.

Lekanoralar tartibi - Lecanorales

Lekanoralar tartibiga umuman lishayniklarning juda ko‘pchiligi mansub. Tallomining morfologiyasi o‘lchamlari kabi turlicha. Apotetsiylarini rivojlanishi odatda gimnokarp tipda. Ko‘pchilik turlarida xaltachalar unitunikat, uchi yo‘g‘onlashgan, lekonar xilda ochiladi. Lekanorlar turli geografik mintaqalarda, har xil o‘sish joylarida tarqalgan. Tartib doirasida bir necha kenja tartiblar ajratiladi.

Peltigeralar kenja tartibi - Peltigerales

Bu kenja tartibga birmuncha katta yaproqsimon tallomli lishayniklar mansub. Ko‘pchilik turlarida fitobiont –sianobakte-riyalar. Fotobionti yashil suvo‘tlari bo‘lgan turlardasiano-bakteriyalarsefalodiylarda jamlangan.
Peltigera - Peltigera turkumining vakillar moxlar bilan birga, yaproqsimon tallomi 20-30 sm gacha diametrli, chekkasi buralgan ko‘rinishlarda. YUqorigi va pastki tomoni farqlanib usti yam-yashil, silliq pastida po‘stloq yo‘q. Tallomini tagi qo‘ng‘ir, qora yoki kulrang-zangori. Peltigera turkumining ko‘pchiligida fotobiont-sianobakteriya Nostoc uning tallomi ichida alohida hujayralarga bo‘linib ketgan.
Apotetsiy tallomining yuqorisini qirralarida rivojlanadi. Peltigera turkumining turlari og‘ir metallarning tasiriga chidamli ekanligi aniqlangan. Bu turkumning lishayniklarida azot to‘plash-tirish, fotosintez, og‘ir metallarni to‘planishi bo‘yicha olib boriladigan tadqiqotlarda test-obekt sifatida foydalaniladi.


Lobariya - Lobaria tallomi yirik, sorediya va izidiyalar joyla-shadigan qovurg‘asimon qismlari baland turadi. Bu turkumning turlari tropik va subtropik mintaqalarda keng tarqalgan.