Tuban o‘simliklar

Sklerotiniya - Sclerotinia turkumining zamburug‘larida haqiqiy sklerotsiylar mavjud, konidiyalar hosil bo‘lmaydi. S.sclerotiorum o‘simliklarning erusti sabzavotlarni (ayniqsa sabzini) qishga saqlaganda zararlaydi. O‘simlikning zararlangan joylarida kiygizsimon oq po‘panak unda qora sklerotsiylar hosil bo‘ladi. Bahorda ulardan apotetsiylar rivojlanadi.

Monilia: Kasallangan va so‘glom olma, nok, olxo‘ri mevalari hamda konidiyaband va konidiyalar

Sklerotiniya: kasallangan limon va sabzi sklerotsiysi bilan.

Ritismalar tartibi – Rhytismatales

Ritismalar tartibining zamburug‘larida stromalaridagi meva-tanalar yumaloq yassi, cho‘ziq shakillarda va ularning yuzasi qora tusda ular substratning yuzasi yoki ichida bo‘ladi. Stromada bitta yoki bir nechta gimeniy bo‘lib ular dastlab psevdoparenxima bilan qoplangan. Sporalar etilganida u yirtilib yuldizsimon ko‘rinishni hosil qiladi. Askosporalari ovaldan ipsimongacha shakllarda, rangi qo‘ng‘ir tusgacha.
Ritisma - Rhytisma turkumining zamburug‘lari zarang (Acer) o‘simligining barglarida qora yaltiroq dog‘larni hosil qiladi. Zamburug‘ning gifalari yaproqning ustidagi epidermis ostida rivojlanadi. Kuzga kelib bargda stromalar etiladi. Bahorda to‘kilgan barglarda uzun apotetsiylar rivojlanadi.
Lofoderma - Lophodermium turkumining vakillari ninabargli o‘simliklarda tekinho‘rlik qiladi. L.pinastri ayniqsa qarag‘ay ko‘chatlarida "shyutte" deb nomlanadigan kasallikni qo‘zg‘atadi. Kasallangan ninabarg to‘qiladi, unda cho‘ziq qora apotetsiy hosil bo‘ladi, u etilganida uzunchoq yoriq bilan ochiladi. Voyaga etayotgan qarag‘ay daraxtlarning tanasini pastidagi barglar ham kasallanadi, biroq daraxtga katta zarar etkazmaydi.

Lekanoramitsetlar sinfi — Lecanoromycetes

Bu sinfga lishayniklar tarkibiga kiradigan zamburug‘lar (mikobiont) mansub. SHu boisdan bu joyda o‘ziga xos simbiozlikni tashkil qilgan hayotiy ko‘rinish lishayniklar xaqida ma’lumotlar keltiriladi.