Tuban o‘simliklar

Tojiboev Sharobiddin Jamolovich
Biologiya fanlar nomzodi, dotsent, Namangan davlat universitetining professori. Toshkent davlat universitetining (O‘zMU) tuban o‘simliklar kafedrasini tamomlagan.
SH.J.Tojiboev “Tuban o‘simliklardan amaliy mashg‘ulotlar” (8,0 b.t., 1986), ”O‘simliklar sistematikasi (), Tuban o‘simliklar (10 b.t., 1990) kabi o‘quv qo‘llanmalarining muallifidir. “O‘qituvchi” nashriyoti tomonidan 1995 yilda nashr etilgan “Tuban o‘simliklar” darsligining taqrizchisi.
Botanika fanining suvo‘tlari va zamburug‘lar dunyosini o‘rganish bo‘yicha ko‘zga ko‘ringan olim sifatida “Opredelitel ulotriksovыx vodorosley” (2,67 b.t. 2012), “Opredelitel volvoksovыx vodorosley Uzbekistana” (216 b.t. 2014) monografiyalariga hammualliflik qilgan. Bundan tashqari “Botanik terminlarining lug‘ati” (2014), “O‘simliklar geografiyasi” (8.0 b.t.), “O‘simliklarning ekologik fiziologiyasi” (8,0 b.t. 2014), “Botanik feyerverk” (7,0 b.t.2014) kabi ilmiy, uslubiy va o‘quv qo‘llanmalarning hamda 100dan ortiq ilmiy maqola va tezislarning muallifi ham hisoblanadi. SHu yo‘nalishda universitet va pedagogika institutlarining biologiya ta’lim yo‘nalishi talabalari uchun “Mikologiya, algologiyadan amaliy mashg‘ulotlar”, “YUksak o‘simliklar sistematikasi” (309 b.t.) kabi o‘quv qo‘llanmalarini chop ettirgan.
O‘zbekiston florasida uchraydigan Allium sharobuddint Khass., Sh. Tojib. nomi botanik olim SH.J.Tojiboev sharafiga berilgan.
Naralieva Nasibaxon Mamanovna
Biologiya fanlar nomzodi, dotsent. 1991 yilda Toshkent davlat universitetining (hozirgi O‘zMU) Biologiya-tuproqshunoslik fakultetining “YUksak o‘simliklar va ekologiya” kafedrasini tugatgan.
Dotsent N.M.Naralieva “Umumiy biologiya” (o‘rta maxsus va kasb hunar ta’limi uchun uslubiy qo‘llanma, 10,5 b.t. 2014), “Ekologik kalendardan foydalanish” (2014), “Tuban o‘simliklardan amaliy mashg‘ulotlar” (2015), “YUksak o‘simliklardan amaliy mashg‘ulotlar” (2015) uslubiy qo‘llanmalari, “O‘zbekistonning noyob o‘simliklari”(3,0 b.t., 2011) nomli o‘quv qo‘llanma hamda 50 ga yaqin ilmiy maqola va tezislar muallifidir.
O‘zining ilmiy va pedagogik faoliyati mobaynida bir necha marta (Rossiya, Moskva sh. 2008, Janubiy Koreya, Seul. 2015) Xalqaro konferensiyalarda o‘z ma’ruzalari bilan ishtirok etgan.
Hozirda “Farg‘ona vodiysi shimoliy qismi o‘simliklar qoplamasining antropogen transformatsiyasini baholash” mavzusidagi davlat grantida ilmiy rahbar, “Alohida ag‘hamiyatga ega botanik xududlarni tanlash O‘zbekistonda bioxilma xillikni asrashning yangi yo‘nalishi” mavzusidagi grantda hamda Janubiy Koreya Milliy Arboretumi bilan xamkorlikdagi “Central Asia green road project” asosiy ijrochi sifatida faoliyat olib bormoqda.