Тошкент Тиббиёт Академияси

Нохуш таъсири: брадикардия, гипотензия, юрак етишмовчилигининг кучайиши, кўнгил айнаши, қайт қилиш, аллергик реакциялар.
КОРИНФАР (фенигидин) – тож томирларни кучли равишда кенгайтиради, қон босимини пасайтиради, салбий инотроп таъсир кўрсатади. Верапамилга нисбатан антиаритмик таъсири сустроқ. Асосан стенокардия ва хафақонлик хасталигини даволашда қўлланилади. МИТ дан яхши сўрилади. Таъсири 15-20 минутдан сўнг бошланиб, 6 соат давом этади. Тил остига қўйиш ва ичиш орқали қўлланилади.
Нохуш таъсири: бош оғриғи, тахикардия, иситмалаш, аллергик реакциялар.

МИОТРОП ТАЪСИРЛИ ТОЖ ТОМИРЛАРНИ КЕНГАЙТИРУВЧИ ВОСИТАЛАР.

ДИПИРИДАМОЛ – миокардда аденозинни қайта сўриб олишини сусайтиради, хамда уни парчаловчи аденозиндезаминаза ферментини фаоллигини сусайтиради. Натижада аденозин миқдори миокардда ортиб кетади. Аденозин эса тож томирларни кучли даражада кенгайтиради. Гемодинамикага ва қон босимига дипиридамол кучли таъсир кўрсатмайди. Аденозин тромбоцитлар агрегациясини тормозлаганлиги сабабли, миокард микроциркуляциясини яхшилайди. Дипиридамолнинг асосий таъсири тож томирлар қаршилигини камайтириш, тож томирлардаги қон айланишининг ҳажмий тезлигини ошириш ва миокардга кислородни келтиришни кўпайтиришдан иборат. Препарат асосан миокарддаги майда резистив томирларга таъсир кўрсатади.
Препаратнинг тож томирларнинг атеросклерози бўлмаган стенокардияни даволашда ичилади.
Нохуш таъсири: диспепсия, бош оғриғи, қон босимини пасайиши.
КАРБОКРОМЕН – тож томирларни кенгайтиради, уларда ҳажмий қон айланиш тезлигини оширади. Коллатерал қон айланишни ортиришга имконият яратади, миокардда метаболик жараёнларни оширади.
Таъсир механизми: фосфадиэстераза ферментини қамал қилиб, цАМФ миқдорини ҳужайраларда оширади. Препарат қон босими кучли туширмайди, юракнинг уриш тезлигини ўзгартирмайди, унинг қисқариши кучини камайтирмайди. Таъсири аста-секин ривожланади, узоқ вақт қўлланилади (6 ой). Қон босими паст бўлган ҳолларда ҳам қўлласа бўлади.