Тошкент Тиббиёт Академияси

ГИПОТЕНЗИВ ВОСИТАЛАР

Қон босими кўпгина омилларга боғлиқ: юракнинг иши, периферик томирлар тонуси ва уларнинг эластиклиги, қоннинг умумий ҳажми, электролитлар таркиби, қовушқоқлиги. Юқоридагиларнинг барчаси нейрогуморал механизмлар билан бошқарилади.
ГИПОТЕНЗИВ воситалар деб, қон босимини туширувчи моддаларга айтилади. Гипотензив воситаларнинг фармокологик таъсири қон босимини физиологик бошқаришда иштирок этувчи кўпгина бўғинларга (звенолари) бўлиши мумкин.
ГИПОТЕНЗИВ ВОСИТАЛАР

1. 
   Адренергик нервларнинг юрак томир системасига стимулловчи таъсирини камайтирувчи воситалар (нейротроп воситалар).
   

1. 
   Вазомотор (томирлар ҳаракатини бошқарувчи) марказлар фаоллигини камайтирувчи воситалар клофелин, метилдофа;
   
2. 
   Ганглиоблокаторлар гигроний, пентамин, бензогексоний;
   
3. 
   Симпатолитиклар октадин, резерпин;
   
4. 
   Адреноблокаторлар; α-адреноблокаторлар фентоламин, тропафен, прозазин, β-адреноблокаторлар анаприлин, метапролол, талинол, α ва β адреноблокаторлар лобеталол.
   

2. 
   Томирларнинг силлиқ мушаклари спазмини бевосита бартараф этувчи миотроп воситалар;
   

1. 
   Калий каналларининг активаторлари апрессин, диазоксид, миноксидил
   
2. 
   Азот оксиди донаторлари натрий нитропруссид;
   
3. 
   Кальций каналларни қамал қилувчи воситалар (кальций антогонистлари)-фенигидин, дилтиазем;
   
4. 
   Турли хил препаратлар дибазол, магний сульфат, папаверин, но-шпа.
   

3. 
   Ренин-ангиотензин системасига таъсир этувчи воситалар;
   

1. 
   Ангиотензин II синтезини сусайтирувчилар каптоприл, эналаприл;
   
2. 
   Ангиотензин рецепторларини қамал қилувчи саралазин.
   

4. 
   Сув-туз алмашинувига таъсир кўрсатувчи воситалар (пешоб хайдовчилар): дихлотиазид, спиронолактон, фурасемид.
   

Седатив, анксиолитик, ухлатувчи воситалар тинчлантирувчи таъсир билан бир қаторда қон томирлар марказига озми-кўп сусайтирувчи таъсир кўрсатадилар ва томирларни кенгайтиради, қон босимини пасайтиради.
КЛОФЕЛИН – марказий таъсирли гипотензив воситаларга киради. Препарат солитар трактида жойлашган α_2- адренорецепторларни қўзғатади, натижада узунчоқ мияда ва балки гипоталамусда жойлашган томирлар тонусини бошқаришда иштирок этувчи нейронларни сусайтиради (α₂адренорецепторлар қўзғалганда, норадреналин ажралиши камаяди ва симпатик нерв таъсири сусаяди). Шу туфайли симпатик нерв толаларининг преганглионар қисмига келувчи, спонтан импульслар камаяди ва турғун, кучли гипотензия, брадикардия, периферик қон томирларнинг умумий қаршилиги камайиши, ҳамда юрак ишининг сусайиши кузатилади. Лекин клофелин таъсирининг бошланишида қисқа муддатли гипертензия (периферик α-адренорецепторларнинг қўзғалиши туфайли) юзага чиқади. Клофелин тана ҳароратини туширади, тинчлантирувчи ва ухлатувчи таъсирга эга (МНСга сусайтирувчи таъсир), иштаҳани оширади, МИТнинг секретор ва харакат фаоллигини сусайтиради (кабзият), организмда Nа⁺ ионларини ва сувни ушлаб қолишини оширади. Клофелиннинг гипотензив таъсири 2-4 соатдан сўнг бошланиб, 6-12 соат давом этади. Т_½тахминан 12 соат. МИТдан яхши сўрилади.