Тошкент Тиббиёт Академияси

МЕЪДА БЕЗЛАРИ СЕКРЕЦИЯСИНИ КАМАЙТИРУВЧИ ВОСИТАЛАР.

Бу гуруҳ воситалари меъда шираси миқдорини камайтирадилар ва асосан гиперацид ҳолатларда, меъда ва 12 бармоқ ичак яра хасталигида қўлланилади. Бундай воситалар қуйидаги гуруҳларга бўлинадилар:

1. 
   Холинорецепторларни блокловчи воситалар:
   

1. 
   танлаб таъсир этмайдиган М-холиноблокаторлар атропин сульфат
   
2. 
   асосан меъданинг М-холинорецепторларини блокловчилар пирензепин
   
3. 
   ганглиоблокаторлар пирилен, бензогексоний.
   

2. 
   Н₂-рецепторларини блокловчи воситалар ранитидин, циметидин, фамотидин, низатидин, роксатидин.
   
3. 
   Протон насосининг ингибиторлари омепразол.
   
4. 
   Простагландинлар ва уларнинг синтетик ҳосилалари мизопростол .
   

ПИРЕНЗЕПИН (гастрозепин)–асосан меъданинг М-холинорецепторларини блоклайди. Барча таъсири периферик нерв системасига таъсир кўрсатганлигидан келиб чиқади, чунки ГЭБдан ўтмайди. Меъда шиллиқ қаватида жойлашган париетал ва гастрин ишлаб чиқарувчи ҳужайраларининг парасимпатик синапсларининг М-холинорецепторларини блоклайди. Шу сабабли базал ва стимулланган HсI кислотаси ва пепсиноген секрециясини, ҳамда гастринни ажралишини камайтиради. Пирензепин кам бўлса ҳам, бир вақтни ўзида сўлак безларининг секрециясини камайтиради.
Меъда-ичак трактидан ичилган препаратнинг ярми сўрилади. Т_½ даври тахминан 8-20 соатга тенг. ГЭБ ва йўлдошдан препарат ўтмайди.
Ҳозирги вақтда Н₂-рецепторларини блокаторлари сифатида кучли фаолликка эга анча безарар бўлган фамотидин, ранитидин, низатидин ва циметидин қўлланилмоқда. Бу препаратлар кимёвий тузилиши жиҳатидан гистамин унумларидир. (молекуласидаги имидазол қисми сақланган).
Н₂ – блокаторлар таснифи: биринчи авлод–циметидин
иккинчи авлод-ранитидин
учинчи авлод-фамотидин
тўртинчи авлод-низатидин
бешинчи авлод-роксатидин