Тошкент Давлат техника

Контакт-транзисторли реле-ростлагичларни синаш ва ростлаш. Таъмирланадиган контакт-транзисторли реле-ростлагичлар генераторлар билан биргаликда махсус стендда синалади ва ростланади. Синаш бошланишидан аввал кучланиш ростлагич ва ҳимоя релесининг контактлари копрон матони тоза спиртда ҳуллаб артиб тозаланади. Бунда пахта-қогоз ва бошқа шунга ухшаш газламалардан фойдаланишга рухсат этилмайди.
Шундан сўнг шчуплар тўплами ёрдамида якор ва узак, ҳамда ростлагич ва ҳимоя релесининг якори ва ҳалқасининг контактлари орасидаги тирқиш текширилади.
Зарур бўлса, якор ва узак орасидаги тирқиш, якор ҳаракати чеклагичини эгиб ростланади. Контактлар орасидаги тирқишни ростлаш уларнинг тутиб тургичларини эгиб амалга оширилади.
Стендда транзисторнинг созлиги ва улар ростланадиган кучланиши текширилади.
Ишламаётган генераторда реле-ростлагичга кучланиш массани узгич Р1 орқали тўлиқ зарядланган ун икки волтли аккумуляторлар батареясидан берилади. Бунда амперметр А1 2,5 дан 2,7 А гача бўлган токни кўрсатиши лозим. Унда ток генераторнинг уйғотиш чулғами орқали ўтади. Кучланишни ростлагич контактлари қўлда уланади, ундан эса ток якорга ўтади. Амперметр кўрсатаётган ток кескин пасаяди, якор қуйиб юборилгандан сўнг, ток кучи дастлабки ҳолатига қайтиши лозим. Агар ток ўзгармаса, транзистор носоз ҳисобланади.
Соз транзисторда ростланадиган кучланиш стендни юргизиб, маълум айланишлар частотасида ва юклама токида аниқланади.
Масалан, Г-285 генераторида ва РР-385 реле-ростлагичида роторнинг айланишлар частотаси 4100 айл/мин гача этказилади ва юклама реостати билан 40 А ток юкламаси ўрнатилади. Бунда ростлагичнинг кучланишини 13,4-14,4 В чегарасида бўлиши керак. Агар кучланиш техник шартларда кўрсатилган чегаравий қийматларга тўғри келмаса, кучланишни ростлаш пружинасининг таранглигини ўзгартириш лозим. Пружинанинг босиш кучланишини ошириш учун, у таранглаштирилади, камайтириш учун эса, бўшатилади. Шуни назарда тўтиш керакки, ростлагич корпуси массага нисбатан кучланишда бўлади, шунинг учун ҳам улар орасидаги қисқа туташув реле-ростлагичнинг ишдан чиқишига олиб келиши мумкин.
Ҳимоя релеси қуйидагича текширилади ва ростланади. Рубилник уланиб, реостат Рр билан уйғотиш чулғами занжиридаги ток текис оширилади. Контактлар уланаётган пайтда овоз чиқади.
Ҳимоя релесининг ишлаб кетиш токи 20°С да 4-4,5 А оралигида бўлиши лозим. Агар ишлаб кетиш токи келтирилган чегарадан фарқ қилса, реле, кучланишни ростлагич каби, яъни ростлаш пружинасининг таранглигини ошириб ростланади.
Реле-ростлагични синаш пайтида реле блокларидан ва реле-ростлагич ярим ўтказгич элементларидан қопқоқни олиш мумкин эмас, чунки бунда иссиқлик ўтказгич унга қотирилган транзисторни массага қисқа туташтириш мумкин.