Тошкент Давлат техника

Реле-регуляторга техник хизмат кўрсатиш. Трактор ҳар 240 соат ишлагандан сўнг реле-регуляторнинг иши амперметрнинг кўрсатиши ва аккумулятор батареясининг аҳволи бўйича теширилади. Ишлаётган асосий двигателда, учирилган фараларда ва зарядланган аккумулятор батареясида, юргизиб юбориш двигатели ўт олидрилгандан бирнеча минут ўтгандан сўнг амперметр стрелкаси унча катта бўлмаган заряд токини кўрсатиши ёки нул ҳолатда тўхташи керак. Агар амперметр унча катта бўлмаган заряд токини кўрсатса, унда кучланиш регулятори каттароқ кучланишни ушлаб тураолиши мумкин. Кучланиш регулятори ва ток кучини чегараловчининг носоз ишлашининг белгиси бўлиб, аккумулятор батареясидаги электролитни «қайнаши» ҳисобланади. Реле-регуляторни мавсумий ростлаш қурилмаси учун ёзда аккумулятор батареясининг нормал зарядланиши 13,4-14,2 В чегарасида, қишда зарядланиш кучланиш 15,5 В бўлгани мақсадга мувофиқ. Реле-регуляторни ёз шароитида ишлаши учун (ҳарорат 5ºС дан юқори бўлганда) ростловчи винт тақалгунга (ёз ҳолатига) қадар қотирилади, қиш шароитида ишлаши учун (ҳарорат 5ºС дан паст бўлганда) ростловчи винт (қишки ҳолатга) тақалгунга қадар бўшатилади.
Реле регуляторнинг асбобларини, мос келувчи пружиналарнинг таранглигини ростлаш гайкалар ёрдамида амалга оширилади. Пружинанинг таранглиги ортганда тескари ток релесини улаш кучланиши; регулятор билан ушлаб туриладиган кучланиш; токни чегараловчи томонидан белгиланадиган ток қиймати ортади.
Агар реле-регуляторни тракторда ростлашнинг иложи бўлмаса, уни ростлаш учун махсус устахонага юборилади.
Реле-регулятор тракторга ўрнатилгандан сўнг унинг қопқоғи олинмасдан текширилади. Текшириш учун шкаласи 30 А (кам бўлмаган) амперметр, шкаласи 0-30 В волтметр (бўлинмаси 0,1-0,2 В), шкаласи 300-5000 айл/ мин бўлган тахометр бўлиши лозим.
Тескари ток релеси қуйидаги тартибда текширилади. Реле-регуляторнинг Б клеммасидан трактор амперметрига борувчи сим узилади, ва бу сим ва Б клемма ўртасига назорат амперметри уланади. Реле-регуляторнинг Б клеммаси ва массаси ўртасига назорат волтметри уланади. Двигател ўт олдирилиб тирсакли валнинг айланишлар частотаси секин-аста оширилиб назорат волтметри бўйича кучланиш ўлчанади, бунда тескари ток релеси туташтирилади. Агар ростлаш тўғри бажарилган бўлса, контактлар 11-12 В кучланишда туташишлари лозим. Тирсакли валнинг айланишлар частотасини пасайтириб, назорат амперметри бўйича тескари ток миқдори аниқланади. Контактлар узилганда тескари токнинг қиймати 8 Ампердан катта бўлмаслиги керак.
Токни чегараловчи назорат амперметри ва волтметри тескари токни текширгандагидек улаб текширилади. Двигател ўт олдирилиб, генераторнинг айланишлар сони 3000-3300 айл/мин гача этказилади. Двигател 1,5-2 мин ишлагандан бошлаб амперметрнинг кўрсатиши белгилаб борилади. Ёритиш лампаларининг барчаси ёқилганда ва тўлиқ зарядланмаган батареяда ток 16 А дан катта бўлмаслиги лозим. Двигател 1,5-2 мин ишлагандан сўнг аккумулятор батареяси зарядланади ва заряд токи 5 А дан пасаяди.
Кучланиш регулятори қуйидаги тартибда текширилади. Назорат волтметри реле-регуляторнинг Я клеммаси ва массага уланади, назорат амперметри эса тескари ток релесини текширгандагидек уланади. Двигател юргизилади ва генераторнинг айланишлар частотасини 3000-3300 айл/мин гача этказилади. Кучланиш назорат волтметри билан ўлчанади, ўлчанган кучланишнинг қиймати охиригача қотирилган винтда 13,4-14,2 В, тўлиқ бўшатилган винтда эса 14,1-15,5 В атрофида бўлиши керак.