Toshkent davlat sharqshunoslik instituti qosimjon sodiqov turkiy til tarixi

O‘g‘uzlar qo‘llaydigan so‘zlar: ašaq “tuban, quyi” (I.97), alïq “qush tumshug‘i” (I.98), ekin “ekin; ekin ekiladigan yer” (I.107), üyäz “kichik chivin” (I.112), arsu “har bir jo‘n narsa” (I.148), jar (čar?) “vaqt” (I.312), čer “ro‘para” (I.312), endäk “sath” (I.130), örkän “qayish” (I.132), eylä “shunday” (I.137), eträk “rangi sariq odam” (I.127), pamuq “momiq, paxta” (I.360), töläk “tinch va og‘ir kishi” (I.368), sïndu “qaychi” (I.395), qarïnčaq “chumoli” (I.460), sečä “chumchuq” (III.238) va b.

Chigillar qo‘llaydigan so‘zlar: ud “sigir” (I.80), ažun “dunyo” (I.106), üzi “ikki tog‘ orasidagi keng yo‘l” (I.116), aybaŋ “kal” (I.139), ötki “evaz, badal” (I.149), čekäk “chechak kasalligi” (I.369), saman “somon” (I.392), qučğundï quchg‘undi “piyoz” (I.454).

Qarluqcha so‘zlar: ulïčïm “o‘g‘ilcham, qarog‘im” (I.86), suğut “suzma” (I.337), ït kerdi “it vovulladi” (II.15).

Qipchoqcha so‘zlar: ökil ekil “ko‘p” (I.103), aba “ayig‘” (I.113), sulaq “qora jigar” (I.390), ajan “ikki yelkanli kema” (I.144).

Arg‘ucha so‘zlar: (arg‘ular ikki tilda so‘zlashuvchilar deb ko‘rsatiladi I.65): uδluq “og‘il, molxona” (I.124), iδrik (“qattiq narsa” (I.128), oğla “yosh yigit” (I.149), qïz kiši “baxil odam” (I.315), bük “burchak” (I.321), čigit “paxta urug‘i, chigit” (I.337), köδäj “ko‘za” (I.341), qaδïq “yog‘och idish” (I.363), tudrïč “go‘ng” (I.422), baštar “o‘roq” (I.424), bitrik “pista” (I.441).