Тошкент – 2016 Тожиев М

Кўникма – эгаллаган билимлар асосида ўзгарувчан шароитларда бирорта фаолиятни амалга ошириш қобилияти.
Малакалар – бу, кўп марта такрорлаш натижасидаги машинал (беихтиёрий), ҳаракатлардир.
Касб – бу меҳнат фаолиятининг барқарор тури бўлиб, у нафақат аниқ билим ва кўникмаларни бўлишини талаб қилмай, балки бир хил бўлган умум касбий билимларни ҳам бўлишини талаб қилади.
Мутахассис – мавжуд касб доирасидаги аниқ меҳнат фаолиятининг аниқлаштирилганлиги.
Рисола – ҳунармандчилик рисолалари “удумлар низоми” бўлиб (унча катта бўлмаган 16-18 варақ ҳажмдаги китобча), уста-ҳунармандалар ва уларнинг шогирдларинг маънавий ҳаётлари ва меҳнат фаолиятларини белгилаб берувчи меъёрий ҳужжат сифатида фойдаланишлари учун мўлжалланган.
Методика – педагогиканинг ўқитиш қонуниятлари, қоидалари, ташкил этиш шакллари, амалга ошириш ва натижаларини назорат қилиб баҳолаш метод ҳамда воситаларини ўзида мужассамлаштирувчи фан тармоғидир.
Методология – “метод” ва "логия" ибораларининг бирлигида билиш фаолияти усули, воситалари ва мантиқий тартиби ҳақидаги таълимот маъносини англатади.
Давлат стандартлари – мутахассис тайёрланаётган йўналиш мазмунининг баёни ва таълим олувчи ни ўқитиш ҳамда тарбиялашга қўйилган талаблар, стандарт кўринишидаги назорат, услуб ва шакллари.
Ўқув режалари – таълим вазирлиги томонидан тасдиқланган давлат ҳужжати.
Ўқув дастурлар – ўқув фани мазмуни, уларни таълим олувчилар томонидан ўзлаштиришнинг мақсадга мувофиқ келувчи хусусан ташкил этиш йўллари аниқланган ҳужжат.
Дарсликлар – ўқув фани мазмуни ўқув дарстурига мувофиқ баён қилинади.
Ўқув қўлланмалар – ўқув дастури асосида услубий ва амалий тавсиялар берилади.
Касбий мослашувчанлик – ишлаб чиқариш вазифаларини бажаришнинг, иш жойини ва ҳаттоки бир касб доирасида ҳамда соҳасида мутахассислигини тез ўзгаришига бўлган тайёрлиги ва қодирлиги, янги мутахассисликларни тез эгаллаши.
Ижтимоий мослашувчанлик – мутахассисни нафақат иш жойи ва касбини ўзгартириш эмас, балки ўзининг ижтимоий вазифасини: ишчи, хизмат қилувчи, мутахассис, шахсий тадбиркор, жамоат арбоби ва б. Ўзгартиришга тайёрлиги ва қодирлиги.