Тошкент – 2016 Тожиев М

Графикли ташкил этувчи – фикрий жараёнларни кўргазмали тақдим этиш воситаси.
Таълим шакллари – усул ўқув жараёнини мавжудлиги, унинг ички моҳияти, мантиқи ва мазмуни учун қобиқ.
Оммавий иш (фронтал) – барча таълим олувчилар олдига бир хил топшириқ бажариш мақсади қўйилади.
Жамоавий иш (коллектив) – ҳам умумий ва гуруҳлига тааллуқли бўлиши мумкин: олдинда турган иш режасини ҳамкорликда муҳокама қилиш, мажбуриятларни бўлиш, ҳисобот шаклини танлаш, хулосаларни муҳокама қилиш (тартиб билан алоҳида таълим олувчилар фикрлари тингланади ва муҳокама қилинади), маъқул хулосаларни шакллантириш (умумий келишув билан).
Гуруҳли – кичик гуруҳларда ҳамкорликда бир топшириқни бажариш.
Якка тартибли (индивидуал) – ўқув топшириғини якка ўзи бажариши.
Назорат – доимий текшириш ёки назорат мақсадидаги текширув. Таълим олувчиларни билим, кўникма, малакаларини аниқлаш,ўлчаш ва баҳолашни англатади.
Билимни текшириш ва баҳолаш – таълим жараёнининг таркибий қисми бўлиб, у таълим олувчиларнинг ўқув фаолиятини дарсда, уйда оғзаки, ёзма ва амалий топшириқлар ёрдамида тизимли назорат йўли орқали амалга оширилади.
Назорат қилишли вазифаси – таълим олувчиларни таълим босқичини ҳар бир босқичида ўзлаштирган билим, кўникма ва малакаларини аниқлаш ҳисобланади.
Таълимий ва таълим бериш вазифаси – таълим олувчи ўқитувчини саволига нафақат жавоб беради, балки топшириқ ҳам бажариб, ўртоқлари жавобларини мулоҳазалайди, ўзгартиришлар киритади.
Тарбиявий вазифаси – ўқув фаолиятини тизимли назорат қилишда текшириш ва баҳолаш намоён бўлиб, бу эса, таълим олувчиларни бажариладиган ишга маъсулиятини оширади, меҳнат қилишга, ўқитувчи томонидан берилган топшириқларни мустақил ечишга, ўзининг ўқув имкониятларини тўғри баҳолашга ўргатади.
Жорий назорат – ўқитувчи томонидан ҳар кунги ишда, асосан дарс жараёнида амалга оширилади.
Оралиқ назорат – дастур мавзуси, бўлимлари ўзлаштирилгандан сўнг амалга оширилади.