Тошкент – 2016 Тожиев М

Таълим бериш усули – белгиланган таълим бериш мақсадига эришиш бўйича ўқитувчи ва таълим олувчилар ўзаро фаолиятини тартибли ташкил этиш йўли.
Маъруза – давомли вақт ичида катта ҳажм бўйича монологик ўқув материалини баён қилиш.
Семинар – бу ўқитувчини таълим олувчилар билан фаол суҳбатга киришишига йўналтирилган, назарий билимларни амалий фаолиятда амалга ошириш учун шароитни таъминловчи, машғулотни ўқитиш шаклидир.
“Технология” юнонча сўздан келиб чиққан бўлиб “течне” –маҳорат, санъат, малака ва “логос” – сўз, таълимот маъноларини англатади.
Таълимни технологиялаштириш – бу ўқитиш жараёнига технологик ёндашиш асосида таълим мақсадларига эришишнинг энг мақбул йўллари ва самарали воситаларни тадқиқ қилувчи ва қонуниятларни очиб берувчи педагогик йўналишдир.
Педагогика тизим – шахснинг бор сифатларини шакллантириш учун ташкилий, мақсадга йўналтирилган ва педагогик таъсир кўрсатишни кўзлаган, ўзаро боғлиқ восита, усул, жараёнларнинг йиғиндисини ифода қилувчи аниқ яхлитликдир.
Фанни ўқитиш методикаси – таълим тизимида ушбу ўқув фанининг аҳамияти ва ўрнини белгилайди, унинг вазифаларини ва ўқитиш мазмунини аниқлайди, ушбу фан бўйича қўлланилаётган метод, шакл ва ўқитиш воситалари баёнини ўз ичига олади.
Концепция – умумий ғоя ёки бирор-нарса тўғрисида тасаввур, тушунча, фикрлар тизими.
Таълим воситалари – ўқув материалини кўргазмали тақдим этиш ва шу билан бирга ўқитиш самарадорлигини оширувчи ёрдамчи материаллар ҳисобланади.
Таълимнинг техник воситалари – ўқув материалини кўргазмали намойиш этишга, уни тизимли етказиб беришга ёрдам беради; таълим олувчи ларга ўқув материалини тушунишларига ва яхши эслаб қолишларига имкон беради.
Ёрдамчи таълим воситалари – графиклар, чизмалар, намуналар ва кабилар.
Ўқув-услубий материаллар – ўқув материаллар, ўзлаштирилган ўқув материалларини мустаҳкамлаш учун машқлар. Булар таълим олувчиларнинг мустақил ишларини фаоллаштиришга ёрдам беради.