Тошбоев Ш. О. 17 Болалар анестезиологияси

8.2.2.
 
Нафас аъзолари 
Нафас аъзоларининг холати анестезиолог учун жуда мухимдир, 
чунки айнан шу йўллар орқали организмга ингаляцион анестетиклар 
киритилади, ва нафас йўллари функцияси умумий анестезия ва ундан 
кейинги даврларда сезиларли равишда ўзгариши мумкин. Кўрув пайтида 
юқори нафас йўллари ўтказувчанлигининг бузилиши бор-йўқлигига 
(аденоидлар, бурун тўсиғининг қийшайиши, хоаналар атрезияси, Пьер-
Робин синдроми, сурункали тонзиллит) эътибор қаратиш лозим. Буларнинг 
барчаси, айниқса эрта ѐшли болаларда оғриқсизлантириш усулини танлаш 
учун жуда аҳамиятли бўлиб хисобланади. Йўтал, ринит, юқори нафас 
йўллари шиллиқ қаватлари секрециясининг ортганлиги, хансираш, бурун-
лаб учбурчаги цианози, бурун катакларининг кенгайиши каби ўткир 
респиратор вирусли инфекция симптомларини ўз вақтида аниқлаш жуда 
мухимдир. Бу симпотмлар кузатилганда режали операция қолдирилиши 
лозим. ЎРВИ фонида шошилинч операция ўтказилган тақдирда 
трахеобронхиал дарахт санацияси, ингаляцион ва шишга қарши терапия 
ўтказилиши, антибиотик ва антигистамин препаратлари буюрилиши керак. 
Баъзан ѐшига мос ўлчамдан кичикроқ бўлган ва гормон тутган мазь ѐки 
крем суртилган эндотрахеал найча ишлатилиши мақсадга мувофиқ. 
Жаррохлик йўли билан даволаниш учун режали равишда ѐтқизилган, 
нафас тизими ва кўкрак қафаси туғма нуқсонлари, ўпка ва кўкс оралиғи 

---

17 
ўсмалари ѐки яллиғланиш касалликлари мавжуд бўлган болаларни клиник 
кўрувидан ташқари, улардаги нафас етишмовчилиги тури ва даражаси, 
ташқи нафаснинг компенсатор имкониятлари, ўпкаларнинг механик 
хусусиятлари, ўпка ичида газ алмашинуви холати хам бахоланади. 
Ўпкаларнинг функционал холатидаги бузилишларни ўз вақтида 
ташхислаш ва операциядан олдинги даврда дренаж холатга келтириш, 
оксигено- ва ингаляцион терапия, трахеобронхиал дарахт санацияси, 
бронхиолитик воситаларни юбориш, вибрацион массаж, антибактериал ва 
шишга қарши терапия, кўрсатма бўйича энергетик субстратлар, мембрана 
стабилловчи воситаларни буюриш йўли билан уларни бартараф қилиш 
операция ва анестезиянинг муваффақиятли кечиши, шунингдек 
операциядан кейинги асоратларни олдини олиш гаровидир.