Тошбоев Ш. О. 17 Болалар анестезиологияси

8.2.1.
 
Асаб тизими 
Туғма ѐки жарохат ва бошдан кечирган касалликлар оқибатида келиб 
чиққан марказий асаб тизими (МАТ) даги бузилишлар кўп холларда 
жиддий анестезиологик асоратларга сабаб бўлиши мумкин. Шунинг учун 
анамнезида туғруқ жарохати ва асаб тизими касалликлари (энцефалопати, 
эпилепсия, бош мия ўсамси, гидроцефалия ва б.) бўлган, режали 
операцияга тайѐрланган болалар МАТ даги бузилишлар хажми ва 
даражасини аниқлаш учун албатта невропатолог кўриувидан ўтишлари 
шарт. 
Зарур 
холларда 
невропатолог 
электроэнцефалография, 
эхоэнцефалография, компьютер томографияси каби қўшимча текшириш 
усулларини тавсия қилади. 
Невропатолог хулосаси ва тавсияларига кўра операциядан олдин, 
операция вақтида ва ундан кейинги даврларда бемор болани олиб бориш 
режаси тузилади. Хусусан, анестезия режасидан калла ички босимини у 
ѐки бу даражада ошириши мумкин бўлган препаратлар чиқариб 
ташланади. Масалан, вена ичи ангестетиги бўлган калипсол (кетамин) 
цереброспинал суюқлик босимини орттиради. Баъзи мушак релаксантлари 
(ардуан, тракриум, мивакуриум ва б.) гистамин чиқарилиши билан боғлиқ 
бўлган ножўя таъсир эвазига бевосита калла ички босимини орттириши 
мумкин. Гистаминнинг плазмадаги концентрацияси юқорилиги бош мия 
қон томирларининг вазодилатациясини чақиради, бу эса ўз навбатида 
уларнинг тўлақонлигини келтириб чиқаради ва калла ичи гипертензиясига 
сабаб бўлади.
Туғма миотония, мушак дистрофияси, Дюшен дистрофияси ва бошқа 
турдаги нерв-мушак касалликлари эса ѐмон сифатли гипертермия каби 
жуда оғир асоратга мойилликни ошириши анестезиологни хушер бўлишга 
чақиради. Ушбу холларда фторотан билан ўтказилаѐтган умумий анестезия 
фонида деполяризацияловчи мушак релаксанти бўлиб хисобланган 
сукцинилхолин (дитилин) ни юбориш ўта хавфли хисобланади. Бундан 

---

16 
ташқари, мушак дистрофияси мавжуд бўлган болаларда сукцинилхолин 
скелет мушакларининг турғун контрактурасини келтириб чиқариши 
мумкин, бу эса адекват ўпка вентиляциясни ўтказиш сезиларли равишда 
қийинлаштиради. 
Орқа мия нерв охирлари, ўзак ва чигалларидаги дегенератив 
зарарланишлар бўлган тақдирда марказий ва периферик регионар 
блокадалар орқали анестезия ўтказиш мумкин эмас.