Тошбоев Ш. О. 17 Болалар анестезиологияси

7.4. Анестезиолог иш жойини тайѐрлаш 
Хар қандай анестезия, хох у умумий ѐки махаллий бўлсин, оғир, 
баъзан эса ўлим холатигача сабаб бўлиши мумкин. Шунинг учун операция 
кичик, наркоз эса қисқа ва режалаштирилган бўлмасин, анестезия ва 
комплекс реанимацион чора-тадбирларни ўтказиш учун барча шарт-
шароитлар яратилиши шарт. Бемор бола операция хонасига киргунга қадар 
наркоз аппаратлари ва мониторинг тизимининг созлигини, асбоблар ва 
зарурий дори воситалари, тиббий ашѐларнинг тайѐрлигини анестезиолог 
шахсан текшириб олиши керак. Даставвал асосий ва захира баллонларда 

---

10 
ѐки марказлашган кислород станциясида етарлича кислород мавжуд 
эканлигига ишонч хосил қилиш керак. Кислород узатилишининг тўсатдан 
издан чиқишини назарда тутган холда анестезиолог атмосфера хавосидан 
фойдаланган холда ўпка вентиляцисини ўтказиш имкониятларини 
таъминлаши лозим. Бунинг учун операция хонасида механик 
респираторлар, нафас қопчалари бўлиши талаб этилади. Наркоз 
аппаратининг созлигини текшириш нафас контурларининг оерметик 
эканлигини текширишдан бошланади. Герметикликни текшириш оддий. 
Бунинг учун барча сақловчи клапанлар беркитилади, қўл билан эса 
беморга узатиладиган коннектор беркитилади, сўнг шошилинч кислород 
бериш тугмачаси босилади. Агар қўл ѐрдамида СЎВ ўтказиш учун 
мўлжалланган қопча кислородга тўлиб, ушлаб кўрилганда таранг холга 
келган бўлса, у холда тизимнинг герметик эканлиги тасдиқланади. Бундан 
ташқари, нафас олиш, чиқариш клапанлари текширилади, кислород ва азот 
оксиди уланадиган шланглар, бириктирувчи элементлар созлиги, 
адсорберда адсорбент мавжудлиги ва баллонлардаги газ қолдиқлари 
кўздан кечирилади.
Иш бошланишидан олдин ларингоскопларнинг созлиги, юз 
ниқобларининг тайѐрлиги, керакли ўлчамдаги эндотрахеал найчаларнинг 
мавжудлиги, электр аспиратор ва катетерлар, инфузия ўтказиш учун тизим 
ва ускуналар шай эканлигига ишонч хосил қилинади. Шприцлар ва дори 
воситалари тутувчи бошқа идишларга белги қўйилади (маркировка), улар 
этикеткасида препарат номи ва миқдори ѐзиб қўйилади. Кўп қон 
йўқотилиши мумкин бўлган операциялардан олдин эса керакли миқдорда 
гемотрансфузиион воситалар ва қон ўрнини босувчи препаратлар тайѐрлаб 
қўйилади. Шунингдек, ниқоб орқали вентиляция самарасизлиги эхтимоли 
бўлган тақдирда ларингеал ниқоб, фиброоптик ларингоскоп, коникотомия 
ва/ѐки трахеостомия учун тўпламдан ташкил топган бошқа комплект 
тайѐрлаб қўйилади.

---

11 
Ва ниҳоят, мониторинг кузатув учун аппаратларни ишчи холга 
келтирилади. Шундан сўнг беморни операция хонасига аравачада 
транспортировка қилинади, беморнинг шахси аниқланади (албатта боладан 
исми, шарифи сўралади, эрта ѐшдаги болаларнинг онасидан сўралади), яна 
бир бор касаллик варақаси билан солиштириб кўрилади. Юқорида санаб 
ўтилган барча чора-тадбирлар бажарилгандан сўнгина анестезиолог 
наркозга киришиши мумкин.