Тошбоев Ш. О. 17 Болалар анестезиологияси

8.2.7.
 
Операциядан олдин овқатланишни тўхтатиш 
Чақалоқлар ва эрта ѐшдаги болаларни операциядан олдинги даврда 
узоқ муддат оч қолишига йўл қўймаслик керак. Чунки овқатланишни 
чеклаш ва/ѐки қабул қиоинувчи суюқлик миқдорини камайтириш, айниқса 
чақалоқ ва эрта ѐшдаги болаларда тез фурсат ичида дегидратацияга ва 
гиповолемияга олиб келишги мумкин. Бундан ташқари узоқ муддат оч 
қолиш гипогликемия ривожланишига ва/ѐки метаболик ацидозга сабаб 
бўлиши мумкин. Турли тадқиқотлар хулосаларига кўра соғлом болаларга 
кириш анестезиясида 2 соат олдин тиниқ суюқлик берилиши мумкин 
(тиниқ суюқлик деганда чоп этилган матнни ўқиш имконияти бўлган 
даражада тиниқликка эга бўлган суюқлик тушунилади). Ушбу тартибга 
риоя қилинганда ошқозон суюқлигининг кислоталилиги ва хажми 
ўзгармайди. 
Кўкрак билан озиқланадиган болаларда оч қолиш муддати 4 соатдан, 
яъни овқатланишлар орасидаги интервалдан ортмаслиги керак. 
2 ѐшгача бўлган болаларда умумий анестезиядан 6 соат олдин 
овқатлантириш тўхтатилади, 2 соат олдин тиниқ суюқлик берилиши 
мумкин. 
2 ѐшдан катта болалар операция куни овқатлантирилмайди, лекин 2 
соат олдин тиниқ суюқли берилиши мумкин (қайнатилган сув ва бошқа 
тиниқ суюқликлар), сут ва бошқа шарбатлар берилмайди. Агар болага 
куннинг иккинчи ярмида операция ўтказиш кўзда тутилган бўлса эрталаб 
енгил нонуштага рухсат берилади (печенье, ширин чой). 
Ушбу тавсиялар алохида холатларда (масалан қандли диабетда) 
ўзгартирилиши мумкин. Очлик муддати полицитемия хавфини туғдииши 
мумкин бўлган болаларда (юрак туғма нуқсонлари) операциядан олдин 
оғиз орқали киритилиши чекланган суюқлик миқдори вена ичи инфузияси 
билан тўлдирилади.
 

---

27 
8.3.
 
Премедикация 
Премедикация (олдиндан медикаментоз тайѐргарлик) анестезиологик 
қўлланманинг шарт бўлган компоненти бўлиб хисобланади. Анестезиядан 
олдин премедикациянинг мақсади сайѐр нерв автоном рефлекларини 
блоклаш, седатив ва анксиолитик (хавотирли холатни бартараф қилиш) 
самарага эришиш, гиперсаливацияни бартараф қилиш,кириш наркозини 
бир текисда олиб борилишини таъминлашдир.