Тошбоев Ш. О. 17 Болалар анестезиологияси

 
-боб 
 
 
ВЕНА ИЧИ АНЕСТЕЗИЯСИ 
 
Болаларда анестетикларни вена орқали юбориш кириш наркози 
учун ҳам, анестезияни қўллаб-қувватлаб туриш учун ҳам ишлатилади. 
Ушбу усулнинг афзалликлари сифатида тез уйқуга криши, юз 
ниқобларининг зарур бўлмаслиги, қўзғалиш фазасининг бўлмаслиги, 
кўпгина ингаляцион анестезияла пайтида учраши мумкин бўлган 
ларингоспазм хавфининг камлигини эътироф этиш мумкин. Бироқ, 
кўпгина анестезиологлар вена ичи индуциясини, болаларнинг инъекцияга 
нисбатан қўрқув бўлиши ва бу усулнинг оғриқли эканини инобатга олган 
холда веноз канюла ўрнатилган болаларда ўтказишни афзал кўрадилар. 
Кўпинча, наркозга кириш ингаляцион анестетиклар ѐрдамида амалга 
оширилгандан сўнг периферик ѐки марказий веналар катетеризация 

---

79 
ўтказилади ва анестезия вена ичига анестетикларни юбориш йўли билан 
анестезия қўллаб-қувватлаб турилади. 
Хозирги пайтда анестезиологияда ЭМЛА-крем мавжуд бўлиб, у 
прилокаин ва лидокаин аралашмасида иборат бўлган пластқрь кўринишида 
чиқарилади. Инъекция қилинадиган соҳага 45-60 дақиқа олдин аппликация 
қилинади, бу эса периферик вена пункциясини оғриқсиз ўтказиш 
имконини беради. Бироқ, пункция жойининг аестезияланиш муддатининг 
узоқлиги шошилинч ҳолатларда ушбу пластирни қўллаш имконини бера 
олмайди. 
Кўпгина анестезиологлар накрозга кириш учун асосан иккита 
усулни қўллайдилар. Биринчи ҳолатда периферик вена керакли ўлчамдаги 
“капалак” шаклидаги игна ѐрдамида пункция қилинади ва у орқали вена 
ичига индукцион дозада анестетик юборилади. 
Иккинчи усулда наркозга киришдан олдин периферик вена 
катетеризацияси ўтказилади.