Topografik anatomiya o‘zbekiston Respublikasi Oliy va o‘rta maxsus ta’lim vazirligi N. H. Shomirzayev

229
Qorin bo‘shlig‘idagi a’zolarning qorinning old-yon devoridagi aks-
tasvirlari (159-rasm).
I. Qorinning ustki soha-
si (regio epigastrium).
1. O‘ng qovurg‘a osti
sohasi (regio hypochondrica
dextra). Jigar o‘ng bo‘lagining
katta qismi, chambar ichakn-
ing o‘ng burilmasi, o‘ng
buyrakning yuqorigi qutbi va
o‘ng buyrak usti bezi, o‘t pu-
fagi joylashadi.
2. Xususiy qorin usti so-
hasi (regio epigastrica pro-
pria). Jigarning chap bo‘lagi va
o‘ng bo‘lagining kichik qismi,
oshqozon tanasining bir qismi
va pilorik qismi, kichik charvi,
o‘n ikki barmoq ichakning
yuqori yarmi, oshqozon osti
bezi (dumidan tashqari), aorta,
quyosh chigali va pastki kavak
vena joylashadi.
3. Chap qovurg‘a osti
sohasi (regio hypochondrica
sinistra). Oshqozonning tubi,
taloq, oshqozon osti bezining
dumi, chambar ichakning
chap burilmasi, jigar chap
bo‘lagining kichikkina qismi,
chap buyrakning yuqorigi
qismi va chap buyrak usti bezi
joylashadi.
II. Qorin o‘rta sohasi
(mesogastrium).
1. Qorinning o‘ng yon
sohasi - regio abdominalis
lateralis dextrada ko‘tariluvchi chambar ichak, yonbosh ichak, och ichakning bir
qismi, o‘ng buyrakning pastki qutbi joylashadi.
2. Kindik sohasi (regio umbilicalis). Bu sohada oshqozonning katta egriligi,
katta charvi, 12 barmoq ichakning pastki yarmi, ko‘ndalang chambar ichak, och
va yonbosh ichak qovuzloqlari, buyraklarning darvozalari va siydik yo‘llari, aor-
ta va pastki kavak vena joylashadi.
3. Qorinning chap yon sohasi - regio abdominalis lateralis sinistra-da tushuvchi
chambar ichak, och ichak qovuzloqlari, chap buyrakning pastki qutbi joylashadi.
159-rasm. Qorin ichki a’zolarining qorin
devoridagi aks-tasvirlari va o‘zaro
joylashuvi chizmasi.

---

230
III. Qorinning pastki sohasi (hypogastrium).
1. O‘ng yonbosh-chov sohasi - regio ilioinguinalis dextrada yonbosh ichak-
ning oxiri, ko‘r ichak, chuvalchangsimon o‘simta, o‘ng siydik yo‘li joylashadi.
2. Qov usti sohasi (regio suprapubica). Unda ingichka ichak qovuzloqlari,
siydik yo‘llarining pastki qismlari, rektosigmoidal qism, to‘lgan holatdagi siydik
pufagi, bachadonning tubi (to‘g‘ri ichak yoki siydik pufagi to‘lganda) joylashadi.
3. Chap yonbosh-chov sohasi - (regio ilioinguinalis sinistra)da S–simon
ichak, ingichka ichak qovuzoqlari va chap siydik yo‘li joylashadi.