Timss baholash dasturi. Reja

Yer haqidagi fan
Yer haqidagi fan Yerni va uning Quyosh tizimidagi oʻrnini oʻrganadi, toʻrtinchi sinfda oʻquvchilarning kundalik hayotlarida kuzatishlari mumkin boʻlgan hodisa va jarayonlarni oʻrganishga eʻtibor qaratilgan. Garchi barcha mamlakatlarda qoʻllanilsa boʻladigan Yer haqidagi fanning oʻquv dasturi nimalarni oʻz ichga olishi haqida yagona fikr boʻlmasada, toʻrtinchi sinf oʻquvchilarining oʻzlari yashayotgan planeta va uning Quyosh sistemasidagi oʻrnini oʻrganishlarida uchta mavzu muhim hisoblanadi:
• Yerning fizik xossalari, resurslari va tarixi
• Yerning ob-havosi va iqlimi
• Quyosh sistemasidagi Yer
Ushbu bosqichda oʻquvchilar Yer yuzasining tuzilishi, fizik xossalari va Yerning eng muhim resurslaridan foydalanish toʻgʻrisida umumiy bilimlarga ega boʻlishlari kerak. Shuningdek, oʻquvchilar Yerdagi baʻzi jarayonlarni kuzatiladigan oʻzgarishlar nuqtai nazaridan tasvirlab bera olishlari va bunday oʻzgarishlar sodir boʻlgan vaqtni tushunishlari kerak. Toʻrtinchi sinf oʻquvchilari Yerdagi va osmondagi oʻzgarishlarni kuzatish asosida Yerning Quyosh tizimidagi oʻrni haqida baʻzi tushunchalarni namoyish etishlari kerak.