Timss baholash dasturi. Reja

8-sinflar oʻrtasida Singapurdan keyin eng yuqori natijani Xitoy Taypey 574 ball, Yaponiya 570 ball, Janubiy Koreya 561 ball, Rossiya Federatsiyasi va Finlandiya bir xil yaʻni 543 ball bilan yetakchilikka erishgan boʻlsa, Misr 389 ball, Livan 377 ball va Janubiy Afrika 370 ball bilan quyi pogʻonalardan joy egalladi.
Har toʻrt yilda oʻtkaziladigan TIMSS dasturining navbatdagi tadqiqotida Oʻzbekistonning ishtirokini taʻminlash boʻyicha Taʻlim sifatini nazorat qilish davlat inspeksiyasi va IEA tashkiloti oʻrtasida olib borilgan muhokamalar natijasida, 2023-yilda boʻlib oʻtadigan tadqiqotda ishtirok etish boʻyicha dastlabki kelishuvga erishilgan boʻlib, hozirgi kunda tadqiqotda qatnashishning oʻziga xos jihatlari muhokama qilinmoqda.
2021-yil fevral oyida oʻtkaziladigan Milliy loyiha koordinatorlarining uchrashuvida IEA tashkilotining taklifiga binoan Taʻlim sifatini baholash boʻyicha xalqaro tadqiqotlarni amalga oshirish milliy markazi vakillari ham ishtirok etishi rejalashtirilgan.
Ushbu tadqiqotda ishtirok etish mamlakatimiz oʻquvchilarining bilimlarini dunyoning boshqa mamlakatlari oʻquvchilari natijalari bilan solishtirish, taʻlim tizimining yutuq va kamchiliklarini baholash, tadqiqot natijasidan kelib chiqib, dalillarga asoslangan holda taʻlim sifatini oshirish boʻyicha taklif va tavsiyalar ishlab chiqish hamda uzoq muddatli strategik qarorlar qabul qilishga yordam beradi.
Eslatib oʻtamiz, Oʻzbekiston PISA, PIRLS kabi boshqa yirik baholash dasturlarida ilk marotaba ishtirok etayotgan boʻlib, unga koʻra PIRLS dasturining asosiy tadqiqot jarayonlari 2021-yil aprel oyida, PISA dasturining asosiy tadqiqot jarayonlari esa 2022-yil aprel-may oylarida oʻtkazilishi rejalashtirilgan.
Yuqorida taʻkidlab oʻtilgan tadqiqotlar xalqaro standartlar va tartib-qoidalarga muvofiq xalqaro tashkilotlarning nazorati ostida Taʻlim sifatini baholash boʻyicha xalqaro tadqiqotlarni amalga oshirish milliy markazi tomonidan amalga oshiriladi.