Timss baholash dasturi. Reja

Yer toʻgʻrisidagi fan
TIMSS 2019 tabiiy fanlar qamrov doirasida sakkizinchi sinf oʻquvchilari oʻzlari yashayotgan planeta va uning koinotdagi oʻrni haqida bilishlari muhim sanalgan quyidagi mavzularni belgilab beradi:

• 
  Yerning tuzilishi va fizik xususiyatlari
  
• 
  Yerda kechadigan jarayonlar, sikllar va Yerning tarixi
  
• 
  Yerning resurslari, ulardan foydalanish va saqlash
  

• 
  Quyosh sistemasidagi Yer va koinot
  

Sakkizinchi sinf oʻquvchilari Yerning tuzilishi va fizik xossalari, jumladan, Yerning qatlamlari va atmosfera haqida umumiy maʻlumotga ega boʻlishlari kutilmoqda. Shuningdek, oʻquvchilar Yerning butun tarixi davomida sodir boʻlgan geologik jarayonlar, sikllar va qonuniyatlar, jumladan, suvning davriy aylanishi, ob-havo va iqlim xususiyatlari toʻgʻrisida kontseptual tushunchalarga ega boʻlishlari kerak. Oʻquvchilar Yerning resurslari va ulardan foydalanish hamda saqlash toʻgʻrisidagi bilimlarini namoyish etishlari va ushbu bilimlarni resurslarni boshqarish muammolarining amaliy yechimlari bilan bogʻlashlari kerak. Ushbu bosqichda Yer va Quyosh sistemasini oʻrganish kuzatiladigan hodisalarning Yer va Oyning harakatiga qanday bogʻliq ekanligini tushunish hamda Yer, Oy va boshqa planetalarning oʻziga xos xususiyatlarini tavsiflashni oʻz ichiga oladi.