Thesis · April 2020 doi: 10. 13140/RG

Аждодларимиз ардоқлаган қадриятлар 
(Одобнома 4-синфлар учун). 
Дарснинг мақсади: 
1.
Таълимий: Матндаги маълумотлар, расмлар ва уларнинг аҳамияти тўғрисида 
кенг кўламли тушунча бериш. 
2.
Тарбиявий: 
Болаларда 
ўзликни 
англаш, 
аждодларимиз 
ардоқлаган 
қадриятларни эъзозлашга ундаш, ўқувчиларда миллий тарбияни сингдириш орқали ўз 
миллатга бўлган муҳаббатни, миллий урф-одатларга бўлган ҳурматни тарбиялаш. 
3.
Ривожлантирувчи: Аждодларимиз ардоқлаган қадриятлар – эзгулик сари 
етаклаши ҳақидаги дунёқарашларини ривожлантириш. 
Дарс тури: 
ноанъанавий.
 
Дарс услублари: 
ўйин, суҳбат, тест топшириқлари, китоб билан ишлаш. 
Жиҳозлар: Миллий урф-одатларимиз тасвирланган фотосуратлар, тарқатма 
материаллар. 
Ташкилий қисм: 
а) давоматни аниқлаш. 
б) уй вазифасини сўраш. 
Дарснинг бориши:
Ташкилий қисм: 
Болалар парталар ёнида тизилиб турган ҳолда шеър айтиб, 
устозлари билан саломлашадилар: 

---

ЗАМОНАВИЙ УЗЛУКСИЗ ТАЪЛИМ СИФАТИНИ ОШИРИШ: ИННОВАЦИЯ ВА ИСТИҚБОЛЛАР
 
112 
ХАЛҚАРО МИҚЁСИДАГИ ИЛМИЙ-АМАЛИЙ КОНФЕРЕНЦИЯ МАТЕРИАЛЛАРИ
-Қўлимиз кўксимизда 
Салом деймиз устозим. 
Биз одобли болалармиз, 
Соғ бўлинг деймиз доим. 
Давомат аниқланиб, ўқувчиларнинг дарсга тайёргарлиги текширилади.
Уй вазифасини сўраш. “Тил билаган эл билади” ҳикояси асосида ўқувчилар тузиб 
келган тест саволлари текширилади. Бунинг учун ўқувчиларни икки гуруҳга бўлиб оламиз. 
Биринчи гуруҳ тайёрлаб келган тестларни иккинчи гуруҳга, иккинчи гуруҳни биринчи 
гуруҳга топширамиз ва тестлар ечилади. 
1. Сардорнинг опасининг исми нима эди? 
а) Насиба 
б) Нигора 
с) Нилуфар 
2. Сардорнинг опаси қандай қиз?
а) ақлли 
б) одобли 
с) барча жавоблар тўғри 
3. Нигора қайси чет тилларини яхши билар эди? 
а) рус ва инглиз тилини 
б) корейс ва инглиз тилини 
с) инглиз ва француз тилини 
4. Нигора қайси давлат мукофоти савриндори эди? 
а) Зулфия номидаги 
б) Мукаррамахоним Турғунбоева 
с) Ниҳол номидаги 
Янги мавзу баёни: “Аждодларимиз ардоқлаган қадриятлар” мавзусидаги матннинг 
номми ўқитувчи томонидан доскага ёзилади.
Дарслик билан ишлаш: ўқитувчи топшириғи билан ўқувчилар матнни 1та гапдан 
навбатма – навбат ўқиб чиқадилар. 
“Қадрият” жуда кенг маъноли тушунча бўлиб, инсон ва инсоният учун қадрли 
нарсаларни англатади. Қадрият минг йиллар давомида инсонлар томонидан ардоқланиб, 
аждодлардан авлодларга ўтиб, сайқалланиб клинаётган моддий ва маънавий бойликлар, 
анъана ва урф-одатлар, фазилатлардир. 
Ота – боболаримиз ота-онага ҳурмат, ватанпарварлик, тинчлик, озодлик, меҳр-оқибат, 
саҳоват, меҳмондўстлик каби қадриятларни йниқса эъзозлаганлар. 
Бизда жаҳоннинг бошқа халқларига ўхшамайдиган урф-одатлар, байрамлар, маросим 
ва анъаналар мавжуд. аждодларимиз асрлар давомида нишонлаб келган Наврўз байрами 
шулар жумласидандир. 
Наврўз табиатнинг уйғониши, эзгулик, янгиланиш ва яшариш байрамидир. Қадимда 
наврўз байрами куни инсонлар энг яхши одатларини намойиш қилишган, чиройли либослар 
кийиб безанишган, лаззатлитаомлар тайёрлашган. Ҳозирги кунда ҳам бу байрамни кенг 
нишонлаймиз. Наврўз куни дошқозонларда сумалак, ҳалим тайёрланади, ўчоқ атрофида 
ўйин-кулги авжига чиқади. Шу билан бирга, беморлар, эътиборга мухтож инсонларнинг 
ҳолидан хабар олинади.
Ҳашар – аждодлардан авлодларга ўтиб келаётган гўзал анъаналардан бири. Одамлар 
ҳашар йўли билан иморатлар, кўприклар, мадраса ва масжидлар барпо этишган, ариқ ва 
каналлар қазишган. Бу анъана ҳозирга қадар давом этиб келмоқда. 
Катталарни ҳурмат, кичикларни иззат қилиш ҳам қадрият саналади. Қариндош – 
уруғларни йўқлаб туриш, беморларнинг ҳолидан хабар олиш савобли ишлардир. 

---