The ministry of higher and secondary specialized education of the republic of uzbekistan the regional center for retraining and professional

 

---

48 
Ikkinchi bob bo’yicha xulosalar 
Ushbu bobda o’qitish mazmuni, uning tarkibiy qismlari, ingliz tili o’qitish 
mazmuniga qo’yiladigan dasturiy talablar haqida fikr va mulohazalar bayon 
qilindi. Didaktikada o’qitish mazmuni o’quvchilar ta’lim jarayonida egallab 
olishlari zarur bo’lgan nazariy bilimlarni, amaliy ko’nikma va malakalarni, 
shuningdek, 
dunyoqarashga 
doir 
ahloqiy-estetik 
g’oyalarni ifodalovchi 
tushunchalar majmui sifatida talqin qilinadi.
O’qitish mazmuni ta’lim maqsadlari bilan chambarchas bog’liqdir. Mazmun 
ta’lim chog’ida o’zlashtiriladigan o’quv-metodik ob’ekt bo’lsa, uning mahsuli 
erishiladigan maqsadni anglatadi. O’qitish mazmuni tarkiban nutq mavzulari 
(tematika), ko’nikma/malakalar hamda til materialidan iboratdir. Aslida uchala 
qism yaxlit o’zlashtirish manbai hisoblanib, mazmun tegishli mezonlar asosida 
metodik tashkil qilinadi (tanlanadi, tasniflanadi, taqsimlanadi va taqdim etiladi), 
so’ngra o’zlashtiriladi. 
O’qitish mazmunining tarkibiy qismlaridan hisoblangan nutq mavzulari ta’lim 
maqsadlariga asoslanib saralanadi, zamon va makonda taqsimlanishi ta’limning 
amaliy maqsadiga mos tushishi lozim. O’rta maktab va nofilologik oliy o’quv 
yurtlari chegaralangan (“O’quvchi tevarak-atrofi”, “Vatanimiz-O’zbekiston”, “Tili 
o’rganilayotgan malakatlar” va “Mutaxassislik”) tematik minimum bilan 
ta’minlanadi. 
Ingliz tili o’qitish jarayonida o’quvchilar o’quv dasturida qayd etilgan nutqiy 
mavzular doirasida axborot almashish bilan mashg’ul bo’ladilar. Binobarin, shu 
maqsadda muloqot (kommunikatsiya) yuritish zaruriyati tug’iladi. Nutqiy muloqot 
qilishga ko’nikma va malakalarni shakllantirish orqali erishiladi. 
 
 
 
 
 

---

49