“texnologiya va uni o’qitish metodikasi” fanidan

 
Maktab islohotida texnologiya taʼlimi vazifalari. 
Oʻzbekiston Respublikasi Oliy Majlisining 1999 yil 14-15 aprelda 
oʻtkazilgan birinchi chaqiriq XIV sessiyasida Birinchi Prezident I. A. Karimov 

---

87 
nutqida belgilab berilgan taʼlim sohasini rivojlantirishning hozirgi dolzarb 
masalalari, barkamol avlodni vatanparvar, mehnatsevar, ilmli boʻlishini taʼminlash 
yuzasidan vazifalarga, Oʻzbekiston Respublikasining “Taʼlim toʻgʻrisida”gi qonuni 
va “Kadrlar tayyorlash milliy dasturi” asoslariga binoan ishlab chiqilgan. Ushbu 
dastur 1998-99 oʻquv yilida respublikaning belgilangan maktablarida texnologiya 
taʼlimi oʻquv fanidan oʻtkazilgan tajriba-sinov ishlari natijalariga binoan tuzilgan.
Umumiy oʻrta taʼlim maktabida texnologiya taʼlimi fanini oʻqitishning 
maqsadi — oʻquvchilarni aqliy va jismoniy mehnat turlari, jarayonlari hamda 
kasblar bilan tanishtirish, ularda dastlabki mehnat koʻnikmalari va malakalarini, 
mehnatga qiziqish va mehnatsevarlikni shakllantirish, ularni mehnat va kasblarni 
qadrlashga, ularning ahamiyatini tushunishga oʻrgatish hamda kasb tanlashga 
tayyorlash orqali ularning kasbgacha tayyorgarliklarini amalga oshirishdan iborat.
Ushbu maqsadni amalga oshirish uchun kuyidagi taʼlimiy-tarbiyaviy va 
rivojlantiruvchi vazifalarni bajarish lozim boʻladi:
Taʼlimiy vazifa 
— oʻquvchilarning barkamol shaxslar boʻlib shaklanishlari 
uchun ularga mehnat jarayonlari, kasblar, umumiy texnologiya, texnika va ishlab 
chiqarishning ilmiy asoslarini oʻrgatish, ularni kasb tanlashga yoʻnaltirish, kamida 
uchta kasb bilan dastlabki tanishtirish orqali ularning kasbgacha tayyorgarliklarini 
amalga oshirish va kasb-hunar kollejlarida taʼlim olishga tayyorlashdan iborat.
Tarbiyaviy vazifa 
— oʻquvchilarning mehnat koʻnikmalarini shakllantirish 
jarayonida mehnat va kasbga munosabatlarida yuqori axloqiy sifatlarni, 
mehnatsevarlik vatanparvarlik va tadbirkorlikni rivojlantirib borishdan iborat.