Texnologiya ta’limi praktikumi fanidan o’quv uslubiy majmua

Yog’ochni bir-biriga biriktirish maqsadida ishlatiladigan buyumlar:
Shuruplar egilmagan, qalpoqlaridagi ariqchalari toza va tekis, rezbalari esa silliq, putursiz bo’lishi lozim: Shurup rezbasining bitta izigina bir oz yo’g’onlashgan yoki uchgan bo’lishiga yo’l qo’yiladi. Lekin rezbaning sirtida uning ichki yoki tashqi o’lchamini o’zgartiradigan chiziqlar va g’adir-budurlar bo’lmasligi shart. Shurup qalpog’ida puturlar, shuningdek qalloq tagida g’uddalar bo’lishiga ham yo’l qo’ymasligi kerak. Shuruplar yog’och yashiklarga va karton qutichalarga joylanadi, zanglamasligi uchun maxsus moy bilan moylanadi yoki yashik ichiga moy singdirilgan qog’oz to’shaladi. Shuruplar quruq binoda saqlanadi. Ular o’lchamiga qarab va tortib ko’rib, ba’zan esa donalab hisobga olinadi.
Katta burama mixlar (gluxarlar) uzunligi 35 mm va yo’g’onligi 6 mm dan ziyod bo’lgan kvadrat yoki olti qirrali qalpoqli yirik shuruplar bo’lib, qalpog’i maxsus kalit bilan burash uchun moslangan. Katta burama mixlarning mebel uchun ishlatiladiganlari kvadrat qalpoqli va asosi salgina enliroq bo’ladi. Ana shunday enly asos shayba vazifasini o’taydi, binobarin, mixni burab kirgizganda yog’ochning ezilishiga yo’l qo’ymaydi.
Katta burama mixlar o’lchamlari bo’yicha va donalab hisobga olinadi. Boltlar detallarni birlashtirish uchun xizmat qiladi. Ular xususan egib mebel yasash korxonalarida ko’p ishlatiladi. Boltni burab kirgizganda yog’och ezilmasligi uchun bolt qalpog’i va gayka tagiga shayba qo’yiladi. Boltlar o’lchamlari bo’yicha va donalab hisobga olinadi.
Metall ugolnik (burchaklik)lar detallarning. burchaklaridagi ulangan joylarini qo’shimcha ravishda mahkamlash uchun ishlatiladi.
Metall ugolniklar ust qo’ymalar shuruplar uchun teshigi bo’lgan to’g’ri shaklli metall plastinkalardan iborat. Ular detal (brusokning) mustahkamligi kamroq yoki sinish ehtimoli bo’lgan joylariga bir tomonlama yoki ikki tomonlama qo’yib mahkamlanadi. Ugolniklar bilan ustqo’ymalar donalab va o’lchamlari bo’yicha hisobga olinadidi


5-MODUL. YELIMLAR YORDAMIDA MURAKKAB BIRIKMA TAYYORLASH TEXNOLOGIYASI.


17–mavzu. Yelimlar, biriktiriladigan detal yuzasini yelimlashga tayyorlash (2 soat)