Texnologiya ta’limi praktikumi fanidan o’quv uslubiy majmua

K I R I SH
O’zbekiston Respublikasi kadrlar tayyorlash milliy dasturi va “Ta’lim to’g’risida”gi qonunga binoan, mamlakatimizda ta’lim standartlari va ko’p bosqichli ta’lim tizimiga o’tilishi, pedagogik jarayonni tashkil etishni talab qiladi.
Ushbu amaliy mashg’ulotlarning maqsadi bo’lajak kasb-ta’limi bakalavrlarini, o’quvchilar texnologiya va texnologik ta’limining duradgorlik bo’limi bo’yicha o’quvchilarga ta’lim va tarbiya berishning samarali usullarini tashkil etish bo’yicha bilim, malaka va ko’nikmalar bilan qurollantirishdan iborat.
Amaliy mashg’ulotlar duradgorlikka oid shakillantiriladigan bilimlar, har bir amaliy mashg’ulotning maqsadi, amaliy mashg’ulotni bajarishda ishlatiladigan jihozlar, asbob va moslamalar mashg’ulotni bajarish ketma-ketligi ko’rsatilgan yo’riqlar va topshiriq, har bir mashg’ulot yuzasidan talabalar bilimini tekshirish uchun nazorat savollari berilgan.
Talabalar duradgorlik ishlarini o’rganishda yog’och materiallari turlari bilan tanishish, duradgorlik asboblari va jihoz-moslamalarini sozlashni ular bilan turli konstruksiyali detallarga duradgorlik ishlovi berishlarni, pardozlash ishlarini amalga oshirishni va shu kabilarni bilishi kerak.
Amaliy mashg’ulotlar jarayonida talabalarda sekin asta ijodiy fikrlash faollashadi. Ularda diqqat, fazoviy hayol rivojlanadi. Shaklni his qilish, chamalash, harakatlar koordinasiyasi, materiallarga qo’lda ishlov berish jarayonida turli operatsiyalarni bajarishda marom, suratni his qilish va kuchni ratsional ishlatish hissi takomillashadi.
Talabalar o’quvchilarga duradgorlik mashg’ulotlarida qulay ish vaziyatlarini egallay bilish, ishlov berishda detallarni to’g’ri joylashtirish kabi bir qator ko’nikmalarni o’rganishga oid pedagogik mahoratni egallaydilar.
Texnologik ta’limi yo’nalishi bakalavrlari esa o’quvchilarni ana shunday bilim va ko’nikmalarni o’rgatish jarayoni bilan nazariy va metodik jihatdan tayyor bo’lishlari lozim.
Duradgorlikning xalq turmushidagi roli va vazifasi.
Mix va burama mixlar yordamida oddiy birikma tayyorlash texnologiyasi.
Yelimlar yordamida murakkab birikma tayyorlash texnologiyasi.
Burchakli murakkab bir tirnoqli birikmalarni tayyorlash texnologiyasi.
Burchakli o’rtalik birikmalar tayyorlash texnologiyasi.
Murakkab ko’p tirnoqli birikmalar tayyorlash texnologiyasi .
Yog`ochlarga kuydirib ishlov berish texnologiyasi.
Yog`och materiallariga pardoz berish, va pardozlovchi asboblar.
Yog`och materiallariga mexanik ishlov berish texnologiyasi.
Yog`och materiallariga yumaloq arrali dastgohlarda ishlov berish texnologiyasi.
Yog`ochlarga tasma arrali dastgohlarda ishlov berish texnologiyasi.
Yog`ochlarga randalovchi dastgohlarida ishlov berish texnologiyasi.
Yog`ochlarga reymusli (xatkashli) frezali dastgohlarda ishlov berish texnologiyasi.
Yog`ochlarga parmalash va oyish dastgohlarida ishlov berish texnologiyasi.
Tokarlik dastgohida yog`ochlarga ishlov berish texnologiyasi.
Tokarlik dastgohlarida yog`ochga kuydirib ishlov berish texnologiyasi.
Har bir mashg’ulot o’qituvchi va o’quv ustasi tomonidan tegishli instruktaj o’tkazilganidan so’ng talabani nazariy bilimi tekshirib ko’rilib o’qituvchi yoki o’quv ustasi nazorat ostida bajariladi.
Amaliy mashg’ulotlarni talaba tomonidan mustaqil ravishda, o’qituvchi yoki o’quv ustasi nazoratidan bajarilishiga yo’l qo’yilmasligi shart.


TEXNOLOGIYA TA’LIMI PRAKTIKUMI (Texnologiyada dizayn)


1-MODUL. YOG’OCHGA ISHLOV BERISH TEXNOLOGIYASI.
DURADGORLIKNING XALQ TURMUSHIDAGI ROLI VA VAZIFASI


1-mavzu. Kirish. Duradgorlikning xalq
turmushidagi roli va vazifasi (2 soat).