Texnologiya ta’limi praktikumi fanidan o’quv uslubiy majmua

NAZORAT SAVOLLARI:

1. Kesuvchi asboblarni ishga sozlash qanday jarayonlarni o’z ichiga oladi?

2. Ish turiga qarab qirquvchi, yo’nuvchi, uyuvchi uskunalar turlarini aytib.
3. Uskunalarni charxlash va o’tkirlik burchaklarini tekshiring.
4-MODUL. MIX VA BURAMA MIXLAR YORDAMIDA ODDIY BIRIKMA TAYYORLASH TEXNOLOGIYASI.


13–mavzu. Detallarni mix, burama mix, yog’och mixlar bilan biriktirish (2 soat)


Ishdan maqsad: Birikmani bajarishda qo’llaniladigan moslamalar, asboblar va materiallar. Mix va burama mix,yog’och mixlarni tanlash.


ISHNING NAZARIY QISMI:
O’quvchilarni duradgorlik birikmalaridagi birikmalarning xillari va usullari, ularni tayyorlash yo’llari va mavjud texnologiyasi bilan tanishtirish lozim. Shuningdek ulardan ayrim birikmalarni tayyorlash texnologiyasini bilishi oldin o’rgatilgan operasiyalarni qayta bajarishni va tanishilgan asboblarni ishlatishni talab qilib borish kerak.
Duradgorlik detallarini biriktirish operasiyalari ma’lum bir texnologiya bo’yicha bajariladigan amaliy prosessdir.
Ma’lumki, duradgorlik buyumlarining detallari turli usullarda o’zaro biriktiriladi (rasm.) birikmalar asosan yelim, har xil mixlar yordamida, bolt xomut va skobalar bilan mahkamlanadi (biriktiriladi.)
Duradgorlik buyumlari detallarini mix, shurup va yog’och mixlar yordamida biriktiriladi.
Biriktiruvchi mix va burama mixlar (shuruplar) turlari

Duradgorlikda ishlatiladigan yelimlar (Glyutin, Kazein, Fenolformaldegid va boshqalar) Yelimlarni ishga tayyorlab va detallarni yelimlab biriktitiladi.

Biriktirish xillari: 1. Detallarning to’g’ri va qiya kesilgan qirralarini biriktirish. Bunda yog’och materiallarining chetki qirralari yaxshi tekislanadi. Va yumaloq turumlar bilan biriktiriladi. Turumlarning yo’g’onligi taxtaning yarim qalinligidan 3-4 marta katta turumlarning o’rtasidagi oraliq esa, 100-150 mm bo’lishi lozim. 2. Choklar yasab biriktirish. 3. Taxtalarni to’g’ri burchakli shpunt yasab biriktirish.