Терроризм ва экстрамизм дунё ҳамжамияти учун ҳанузгача асосий таҳдидлардан бири бўлиб қолмоқда. Инсоният ҳамон диний мутаассиблик, радикализм, зўравонлик ва терроризм хуружларидан азият чекиб келмоқда

Д .э.о. ғоясидан қайтариш субъектининг компетенциялари
Д.э.о. ғоясидан қайтариш жараёнида мутахсис (илоҳиётчи, диншунос, диний соҳа вакили ва бошқалар) таъсир кўрсатувчи субъект сифатида диний мутассиб (экстремист) эса таъсир кўрсатиш объекти сифатида намоён бўлади. Д.э.о. ғоядан қайтарувчининг субъективлиги унинг компетентлиги, махсус билим даражаси, иш тажрибаси, ўзаро алоқа қилиш ва бошқа кўникмалари билан аниқланади. Шуни таъкидлаш жоизки, Д.э.о. ғоядан қайтарувчида бундай қобилиятларнинг йўқлиги уни субъектдан таъсир объектига айланиб қолишига олиб келади. Бундай вазиятда мутассиб ташаббусни ўз қўлига олади ва мутахассисга ўз ғояларини сингдира бошлайди. Д.э.о. ғоядан қайтариш давомида тез-тез учрайдиган яна бир хато шундан иборатки, диний билимга ва диний Д.э.о. ғоядан қайтариш усуллари тўғрисида махсус билим ва кўникмаларга эга бўлмаган мутахассис, масалан ҳуқуқшунос юридик категориялардан четлашган ҳолда диний тамойилларга мурожаат қила бошлайди. Шундай қилиб бундай мутахасис диний мутассибнинг измига тушиб таъсир кўрсатиш субектидан унинг таъсир объектига айланиб қолади. Бундан ташқари, бундай хатолар экстремистнинг янада мутассиблашувига олиб келади, чунки бундай самарасиз амалиёт натижасида у ўзининг айбсизлигига ва ҳақлигига кўпроқ ишонади.
Амалиёт шуни кўрсатмоқдаки, д.э.о. ғоядан қайтариш бўйича мутахассисга хусусан Ўзбекистон Республикаси шароитдаги диний д.э.о. ғоясидан қайтариш учун қуйидаги минимал ҳуқуқий, гуманитар ва бошқа билимларни билиш талаб этилади:

• 
  Ўз.Рес. Конституцияси;
  
• 
  Ўз.Рес.нинг диний фаолият ва диний бирлашмалар тўғрисидаги қонуни;
  
• 
  Ўз.Рес. нинг экстремизмга қарши кураш тўғрисидаги қонуни;
  
• 
  Ўз.Рес. Жиноят Кодексининг экстремизм ва терроризмга оид 216-244-159-155 моддаларини билиш;
  
• 
  Умумий психология;
  
• 
  Шахс психологияси;
  
• 
  Дин психологияси;
  
• 
  Ўз.Республикаси ва унинг ҳудудида содир этилган террорчилик актлари хронологиясини билиш;
  
• 
  Конфликтология;
  
• 
  Д.э.о. ғоядан қайтариш бўйича хорижий ва маҳаллий дастурлар ва тажрибаларда хабардор бўлиш;
  

Диний билимларга келадиган бўлсак, мутахассис энг камида ;
-Муқаддас Қуръони карим, тафсир ва унга оид илмлар;
- Ҳадис ва ҳадисшунослик;
- Усул ал-фиқҳ илми – асосий манбаларни тушуниш илми;
- Ханафий фиқҳи;
- “Илм ал-ҳилаф” – мунозара илми;
- Мотуридийлик ақида мактабининг асосий далилларини билиш;
- Ислом тарихини;
- Марказий Осиёдаги Ислом тарихини;
- Ислом динига оид мазҳабларни;
- Араб тили борасида бошланғич билимларни;
- д.э.о.да кўп ишлатиладиган такфир, жиҳод, ҳижрат, ҳокимийя, халифат, “қилич” ояти, тағут, жохилият ва шу каби бошқа диний мавзулар бўйича чуқур билимларга эга бўлиши зарур.