Термиз давлат университети мактабгача таълим методикаси кафедраси

Кафедра мудири: доц. М.О.Норбошева

Фаннинг ишчи ўқув дастури Педагогика факультети Кенгашида муҳокама этилган ва фойдаланишга тавсия қилинган (2018 йил ___ - ________даги __-сон баённома)

Факультет кенгаши раиси: доц. М. Мирзаев

Келишилди:

Ўқув услубий бошқарма бошлиғи __________У.Ў. Мустафоев

Кириш

Мамлакатимизда мактабгача таълим соҳаси учун янги даврнинг бошланиши, тизимни тубдан ислоҳ қилиниши, хориж тажрибаларнинг кириб келиши бугун бўлғуси мутахассисларни тайёрлашга янгича талаб қўймоқда. Мактабгача таълим муассасаларида таълим – тарбияни тарбиячи-педагог амалга оширади. Жамият талаби даражасидаги тарбиячи педагогларни тайёрлаш мактабгача таълим йўналиши ўқитиладиган олий ўқув юртларининг зиммасига тушади.

Ўйин психологияси фани Ўзбекистон Республикасининг “Кадрлар тайёрлаш миллий Дастури” ва “Таълим тўғрисида”ги қонуни, “Мактабгача таълимга қўйиладиган давлат талаблари” асосида бўлғуси мутахассисларни маънавий баркамол, интеллектуал салоҳиятли ва етук кадрлар қилиб тарбиялашдаги муҳим фанлардан бири ҳисобланади. “Ўйин психологияси” фанининг дастури бўлажак тарбиячи-педагогларни мазкур фаннинг умумий назарий асослари билан қуролланиши, таълим-тарбия жараёнини ташкил этишда ўйин фаолиятини етакчилигини инобатга олишни, болалар ўйини психологиясига амал қилинган ҳолда йўлга қўйишларини таъминлайди.
“Ўйин психологияси” фани талабаларда болалар билан ижодий ишлаш, уларнинг индивидуал ривожланишини кузатиш ва такомиллаштириш каби кўникма ва малакалари шаклланишига хизмат қилади.
Ўқув фанининг мақсади ва вазифалари.


Фаннинг мақсади: Талабаларда ўйин психологияси фанининг назарий асослари, ўйин назариялари асосларини билиши, ўйинни ташкил қилиш бўйича малака ҳосил қилиши ва амалда қўллай олиши; унда турли ёш даврлари учун етакчи ўйин турлари, ўйин характери ва унинг функциялари, таълимий ўйинларни қўллай олиш кўникмаларига эга бўлиши лозимлигини ўргатишдан иборат.