Tayanch tushunchalar: didaktika, ta’lim tizimi, ta’lim maqsadi, ta’lim vositalari, bilim ko’nikma, malaka Key words

VIII. TA’LIMNING FANLARARO BOG’LIQLIK TAMOYILI

Ta’limning asosiy maqsadi o’quvchi-talabalarni mustaqil hayotga tayyorlash, ya’ni turli xil hayotiy sharoitlarda o’z bilim, malaka va ko’nikmalarini amalda qo’llay olish darajasiga etkazishdir. Shuning uchun ta’lim jarayonida o’quvchi-talabalarni faqat ilmiy bilimlar bilan qurollantiribgina qolmasdan, balki ana shu fanlararo bog’liq bilimlarni amaliyotda qo’llay olishlarini ta’minlashimiz lozim. Demak, bu tamoyil ta’limning fanlararo bog’liqligi bilan hamoxang bo’lib, ular bir-birlarini to’ldirib keladilar. Ta’limning fanlararo bog’liqligi ilmiy bilimlarni nazariy jihatdan o’rganishga, mantiqiy bog’liqliklarni tushunishiga, fikrlash qobiliyatini o’stirishga xizmat qilsa, amaliy harakatlar ana shu bilimlarni amalda qo’llab ko’rish, yanada to’liqroq ishonch hosil qilish, malaka hamda ko’nikmalarni shakllantirishga yordam beradi.

IX. TA’LIMNING NAZARIYa BILAN AMALIYoT BIRLIGI TAMOYILI

Mazkur tamoyillarda dastavval o’quv fanining mazmunini va o’ziga xos xususiyatga bog’liq holda o’qish jarayonida amalga oshiriladi. Bu birlik ilmiy bilimlarni puxta o’zlashtirish va uni amalda qo’llay olish. O’quv materiallarni idrok qilish, aniqlash, shuningdek, uni mustahkam esda saqlab qolish kabi ruhiy jarayon bilan bog’liq hola bir butun jarayonni tashkil qiladi. Ta’lim jarayonida o’quvchi-talabalar tomonidan matematika, tabiiy fanlardan hamda ijtimoiy gumanitar fanlardan o’zlashtirilgan nazariy bilim ko’nikma va malakalari tajriba xonalari va labaratoriya, zamonaviy texnika vositalari, tajriba er uchastkalari va ishlab chiqarish mehnati va iqtisodiy munosabatlar jarayonida qo’llaniladi. Bu mashg’ulotlar ular kelgusida murakkab ilmiy nazariyalari amalda qo’llana olishlari uchun zarur bo’lgan tajriba bilan qurollantiriladi. O’quvchi-talabalar o’quv materiallarini tub mohiyatini, tabiat va jamiyat taraqqiyoti qonunlarini ilmiy asosda atroflicha to’g’ri, chuqur tushunib oladilar va kelajakda amaliy faoliyatlari uchun zarur bo’lgan mahorat, ko’nikma va malakalar hosil qiladilar. Shuning uchun ham har-bir mavzuning xususiyatlarini hisobga olgan holda o’rganilayotgan yangi bilimlarni mumkin qadar amaliyotga bog’lash uchun jarayonning tamoyili sifatida qabul qilinadi.