Пул воситалари ва бошқа болийларга моддий жавобгар бўлган шахслар уларнинг бутунлигини таъсинлаш учун тамғанинг пломбалардаги шартли тасвири туширилган металл пломбираторлар ва лпастилинда шартли тамға туширилган металл муҳрлар қўлланилади.
Пломбалаш учун пломбалар, пломбиратор ва металл муҳрлар, улардан эркин фойдаланиш истисно қилинадиган қатъий ҳисобдаги объектлар бўлиб ҳисобланади.
Пломбираторлар ва металл муҳрлар турли предметлар (калитлар, махсус инвентарь ва ҳоказолар)ни сақланадиган хоналар, шкафлар ва қутиларни белгиланган тартибда пломбалаш ва муҳрлаш учун ҳам қўлланилиши мумкин.
Шартли тамға тасвири туширилган пломбиратор ва металл муҳрлар қуйидагиларга берилади:
ҳар бир станцияда станция бошлиғи ва ҳар бир станцияларнинг катта операторларига;
станция тижорат фаолияти сектори (СТФС) нозирларига.
Ҳар бир пломбиратор ва металл муҳр тамғасининг нусхаси махсус сафарбарлик иши бўйича бўлимида сақланади. Ҳар бир станция (сектор)нинг пломбиратори ва металл муҳрининг тамғалари сафарбарлик иши бўйича бўлимнинг йўриқномасига мувофиқ сақланиши зарур.
Пломбираторлар ва металл муҳрлар қуйидаги алоҳида белгиларга эга бўлиши керак:
Станцияларнинг пломбираторлари – станциянинг номи, тартиб рақами ва смена рақами, орқа томонида «TASHMETRO» ёзуви.
Станция тижорат фаолияти сектори (СТФС) пломбираторлари – СТФС нинг тартиб рақами, орқа томонида «TASHMETRO» ёзуви.
Станциянинг катта операторлари томонидан станцияга бириктирилган пломбираторлар смена бўйича топширилади ва “Пул қоплари ва нақд пуллар китоби”да расмийлаштирилади.
Станциянинг катта операторлари томонидан ушбу станциянинг тушуми солинган пул қопларини сменадан сменага ва банкга топширилиши учун станциянинг пломбиратори ёрдамида пломбаланиши амалга оширилади.
Пломбиратор йўқотилган тақдирда станция бошлиғининг имзоси остида далолатнома тузилиши керак.
Айбдор шахснинг тушунтириш хати илова қилинган далолатнома кўриб чиқиш учун бевосита бошлиғига топширилади (йўқотилган пломбираторнинг тикланиши айбдор шахснинг ҳисобига амалга оширилади).
Пломбиратор бузилган ҳолатларда аввалги тағага эга бўлган янги пломбираторга алмаштирилади.
Пломбираторга эга бўлган барча шахслар унинг бутунлиги, фойдаланилиши ва соз ҳолати учун шахсий жавобгарликка эга бўлишади.
Агар белгиланган пломбада пломбиратор қўйган тамға (юмшоқ массали идишда) ноаниқ (равшан бўлмаган) тамғага эга бўлса ёки қайишқоқ элемент (чилвир, трос ёки сим) ПҚ конструкцияси ичида мустаҳкам қотирилмаган бўлса, унда муҳрлаш (пломбалаш)ни такроран амалга ошириш зарур.
Агар ПҚ конструкциясининг бузилиш (очилиш) белгилари аниқланган бўлса, унда ПУ дан ёки юмшоқ массали идишдан қайишқоқ элементни ечиб олиш комиссия (станция бошлиғи ёки унинг ўрнини босувчи шахс, сменада бўлган станция катта оператор ва метроплитенни қўриқлаш бўйича милиция ходими) иштирокидаихтиёрий шаклдаги далолатнома тузган ҳолда амалга ошириш, сўнгра эса моддий бойликлар ёки ҳужжатларни қайтадан назорат текширувини ўтказиш зарур.
Далолатномада аниқланган нуқсонларни қайд қилиш ва пломбалаш қурилмасининг ҳолатини тасвирлаш лозим. Шу билан бирга пломба конструкциясини бузмасдан ўғирлаш эҳтимоли ҳам текширилади ва ушбу далолатномада қайд қилинади.
Ушбу объектлардан ечилган пломбалаш қурилмалари конвертга солинади ва елимланади, унинг устидан ташкилот муҳри билан муҳрланади, сўнгра далолатномага илова қилинади. Шундан сўнг далолатнома нусхаси билан бирга экспертлик текшируви учун юборилади. Далолатномаларнинг мазмуни идоравий қоидалар билан белгиланади. Далолатнома 3 нусхада тузилиб, бойликларни очиш (қабул қилиш)да иштирок этган шахслар томонидан имзоланади.
Ушбу далолатномада қуйидагиларни кўрсатиш зарур: очиш (қабул қилиш0 санаси, очиш кимнинг иштирокида ва ким томонидан амалга оширилган, ПҚ нинг қандай бузилишлари ва шикастланишлари аниқланган, муҳрлаш учун қўлланилган пломбанинг назорат рақами, номи ва логотипининг илова қилинган ҳужжатлардаги маълумотларга ва уларда кўрсатилган бойликларнинг амалда мавжуд бўлган бойликларга мослиги.
