Тасдиқлайман: «Ўзбекистон темир йўллари» аж бошқарув раиси ўринбосари в б. «Тошкент метрополитени» ук бошлиғи

ЎЗБЕКИСТОН РЕСПУБЛИКАСИ
«ТОШКЕНТ МЕТРОПОЛИТЕНИ» УК


ТАСДИҚЛАЙМАН:
«Ўзбекистон темир йўллари» АЖ бошқарув раиси ўринбосари в.б. - «Тошкент метрополитени» УК бошлиғи
_________________________________ О.Н. Худойқулов
«_________»_____________________ 2020 й.





«ТОШКЕНТ МЕТРОПОЛИТЕНИ» УК
станцияларида
ЙЎЛ ҲАҚИНИ ТЎЛАШНИНГ АВТОМАТЛАШТИРИЛГАН ТИЗИМИНИНГ ТИЖОРАТ ИШИНИ ТАШКИЛЛАШТИРИШ БЎЙИЧА
ЙЎРИҚНОМА

ТОШКЕНТ
КИРИШ

Мазкур Йўриқнома амалдаги қонунчилик ва бухгалтерлик ҳисоби миллий стандарти талабларини таъминлаш мақсадида ишлаб чиқилган бўлиб, “Тошкент метрополиетни” УК станцияларида ЙЎЛ ҲАҚИНИ ТЎЛАШНИНГ АВТОМАТЛАШТИРИЛГАН ТИЗИМИ нинг тижорат ишини ташкиллаштириш тартибини белгилайди. Ушбу йўриқномада баён этилган талаблар, “Тошкент метрополиетни” УК станцияларида тижорат ишини ташкиллаштириш билан боғлиқ бўлган метрополитеннинг барча ходимлари томонидан бажарилиши мажбурий ҳисобланади.

“Ҳаракат” хизмати ходимлари – станция бошлиқлари, катта операторлар ва операторлар, шунингдек “Сигналлаштириш ва алоқа” хизматининг йўловчи автоматикаси масофаси ва ёнғин-муҳофаза сигнализацияси ходимлари (электр механиклар, катта электр механиклар) ва ҳужжатларни расмийлаштириш билан боғлиқ бўлган бошқа ишчи-ходимлар, бирламчи тижорат ҳужжатлари ва ҳисоботлар қатъий ҳисобдаги ҳужжатлар бўлиб ҳисобланиши ва улар бўйича метрополитен фаолиятининг молиявий ва иқтисодий натижалари умумлаштирилишини қатъий равишда билишлари шарт.
Турғун (стационар) тижорат ишини юритиш бўйича йўриқнома қоидаларидан четга чиқиш ва ҳар қандай қоидабузарликлар, тижорат китоблари ва бланкаларни нотўғри тўлдириш ва бепарволик метрополитен иши кўрсаткичларининг ўзгаришига олиб келади.
Ушбу йўриқноманинг бузилишига йўл қўйган ходимлар амалдаги қонунчиликка мувофиқ белгиланган тартибдаги жавобгарликка тортилиши мумкин.