Тасдиқлайман: «Ўзбекистон темир йўллари» аж бошқарув раиси ўринбосари в б. «Тошкент метрополитени» ук бошлиғи

Метрополитенда бепул юриш ва юк ташиш тартиби

1. 
   Метрополитенда бепул юриш ҳуқуқидан фойдаланувчи шахслар рўйҳати ЎЗБЕКИСТОН РЕСПУБЛИКАСИНИНГ 30.08.1996 й. “ШАҲАР ЙЎЛОВЧИ ТРАНСПОРТИДАН БЕПУЛ ФОЙДАЛАНИШНИ ТАРТИБГА СОЛИШ ТЎҒРИСИДА”ги ҚОНУНИ (1-Иловага мувофиқ) билан белгиланади.
   
2. 
   Ҳужжатларни тақдим этмасдан метрополитенда бепул юриш ҳуқуқига қуйидаги шахслар эга:
   

• 
  7 ёшгача бўлган болалар;
  
• 
  кўзи ожиз ва I гуруҳ ногиронига ҳамроҳлик қилаётган шахс;
  
• 
  форма кийимидаги ҳарбий-ўқув муассасалари курсантлари.
  

3. 
   Метрополитен ходимлари белгиланган тартибда бериладиган шахсни тасдиқловчи гувоҳнома бўйича метрополитенда юриш ҳуқуқига эга бўлади.
   

Метрополитенни қўриқлаш бўйича ИИБ ходимлари “Тошкент метрополитени” УК томонидан белгиланган тартибда бериладиган шахсни тасдиқловчи гувоҳнома бўйича метрополитенда юриш ҳуқуқига эга бўлади.

4. 
   Ҳеч қандай йўл ҳужжати юкни бепул ташиш ҳуқуқини бермайди. Изоҳ: Метрополитенда юриш ҳуқуқини берувчи бирор-бир амалдаги йўл ҳужжатларининг бекор қилингани ҳақидаги маълуомт, юқори турувчи органлар, идораларнинг буйруғи ёки Ўзбекистон Республикаси Вазирлар МаҳкамасинингҚарорига мувофиқ амалга оширилади.
   
5. 
   Юкни олиб юриш тартиби:
   

• 
  узунлиги, кенглиги ва баландлиги бўйича умумий ўлчами 120 см дан ортиқ бўлмаган, узунлиги эса 150 см гача бўлган, шунингдек чанғи, болалар аравачаси, болалар велосипеди, чана, балиқ қармоғи, мусиқа асбоблари ва ғилофдаги майда боғ анжомлари каби буюмлардан тўлов талаб қилинмайди;
  
• 
  узунлиги, кенглиги ва баландлиги бўйича умумий ўлчами 120 см дан 200 см гача, узунлиги эса 150 см дан 220 см гача бўлган юклар икки бараварлик тариф миқдорида тўланади;
  
• 
  узунлиги, кенглиги ва баландлиги бўйича умумий ўлчами 200 см дан ортиқ ва узунлиги эса 220 см дан ортиқ бўлган жуда катта юкларни ташишга руҳсат берилмайди.