Тасдиқлайман: «Ўзбекистон темир йўллари» аж бошқарув раиси ўринбосари в б. «Тошкент метрополитени» ук бошлиғи

VI боб


Станция тижорат фаолияти сектори ва жетонлар ҳаракатланишини ҳисобга олиш секторининг умумий қоидаси

1. 
   СТФС нозирининг мажбуриятлари
   

1. 
   СТФС нозири лавозимида ишлашга тиббий кўрикдан ўтган, катта оператор лавозимида камида 2 йил иш стажига эга бўлган шахсларга руҳсат этилади.
   
2. 
   СТФС нозирининг мустақил ишлашига фақат қуйидагилардан кейин йўл қўйилади:
   

• 
  СТФС нозири лавозими учун белгиланган йўриқномадан ўтиш;
  
• 
  “Ҳаракат” хизмати комиссиясида ўрнатилган тартибдаги имтиҳондан ўтиш;
  
• 
  камида 2 та навбатчилик давомида стажировкадан ўтиш;
  
• 
  СТФС нозири икки йилда бир марта “Ҳаракат” хизмати комиссиясида ўрнатилган тартибдаги даврий имтиҳондан ўтиб туриши лозим.
  

СТФС нозири ўз лавозимига “Ҳаракат” хизмати бошлиғи томонидан тайинланади ва озод қилинади.

3. 
   СТФС нозири маъмурий жиҳатдан бошлиқнинг тижорат ишлари бўйича ўринбосари, операттив жиҳатдан эса станциянинг тижорат фаолияти сектори бошлиғига бўйсинади.
   
4. 
   СТФС нозири маъмурият билан тўлиқ моддий жавобарлик ҳақида шартнома тузиши лозим.
   
5. 
   Ўз хизмат вазифаларини бажариш чоғида СТФС нозири станцияларнинг катта операторлари ва операторлар томонидан ишлаб чиқариш интизомига риоя қилиниши устидан назорат қилиши керак.
   
6. 
   Навбатчиликка киришишдан олдин СТФС нозири амалда бўлган ёки янгидан чиққан буйруқ, фармойиш ва кўрсатмалар билан танишиб чиқиши зарур.
   
7. 
   Навбатчилик вақтида СТФС нозири қуйидагиларга мажбур:
   

• 
  ТК, ЭЙК ва QR чипталарнинг сотилиши ҳақида суткалик маълумотларни қайта ишлаш ва топшириш.
  
• 
  Станцияларга ишлов берилган маълумотлар далолатномаларини етказиш (2 нусхада).
  
• 
  Станциялардан олинган инвентаризация (саноқдан ўтказиш) ҳисоботларини текшириш.
  
• 
  Майда пуллар сарфланиши ҳисобини юритиш.
  
• 
  Станцияларни қайтимга бериладиган майда пуллар фонди билан ўз вақтида тўлдирилишини ташкиллаштириш;
  
• 
  Зарур бўлганда станциядан станцияга ТК, ЭЙК ларни етказиб бериш.
  
• 
  Тижорат ҳужжатларини тайёрлаш (рақамлаш ва тикиш) ва станцияларни зарур миқдорда таъминлаш.
  
• 
  ТК, ЭЙК ва QR чипталарнинг сотилиши (шу жумладан терминал орқали) ҳақидаги суткалик маълумотларни хизматга тақдим қилиш.
  
• 
  “Тошкент метрополитени станцияларида тижорат ишини ташкиллаштириш бўйича йўриқнома”га ўзгартиришлар киритилганда катта операторлар ва операторлар билан машғулотлар ўтказиш.
  
• 
  Комиссияга имтиҳон топширишдан аввал катта операторларга маслаҳатлар бериш.
  
• 
  Катта оператор ва оператор лавозимларига имтиҳонларни олиш вақтида малакавий комиссия ишида иштирок этиш.
  
• 
  Йўл ҳақини тўлаш тарифи ошганда кассаларда моддий бойликларни инвентаризациядан ўтказиш комиссиялари ишида иштирок этиш.
  
• 
  Оммавий тадбирлар ва сайллар вақтида станцияларда кассаларнинг ишини ташкиллаштиришда иштирок этиш ва ёрдамлашиш.
  
• 
  Сектор бошлиғига барча қоидабузарликлар ҳақида рапорт орқали хабар бериш.
  
• 
  Станцияларда тижорат иши билан боғлиқ бўлган ходимлар томонидан ўз лавозим вазифаларини бажарилишини кутилмаган ҳолатда бориб текшириш ва тасдиқланган жадвалга мувофиқ тижорат ҳужжатини текшириш.
  

1. 
   СТФС нозири қуйидаги ҳуқуқларга эга:
   

• 
  Ўз мажбуриятлари доирасидаги барча масалаларни мустақил ҳал қилиш.
  
• 
  Метрополитен станцияларининг барча хизмат ва касса хоналарига кириш (фақат ўз навбатчилиги вақтида).
  
• 
  Аниқланган камчиликларни бартараф қилиш бўйича чоралар кўриш ва бу ҳақида сектор бошлиғига ҳисобот бериш.