Тасдиқлайман: «Ўзбекистон темир йўллари» аж бошқарув раиси ўринбосари в б. «Тошкент метрополитени» ук бошлиғи

Станция операторининг умумий қоидалари.

1. 
   Оператор лавозимига тиббий кўрикдан ўтган ва соғлигининг ҳолати бўйича соғлом деб топилган, ўқишдан ва имтиҳондан, меҳнат муҳофазаси, техника хавфсизлиги ва ёнғинга қарши хавфсизлик йўриқномаларидан ўтган, 18 ёшдан кичик бўлмаган шахслар тайинланиши мумкин.
   
2. 
   Операторнинг мустақил ишлашига фақат қуйидагилардан кейин руҳсат этилади:
   

• 
  мазкур йўриқномадан ўтиш ва “Ҳаракат” хизмати қошидаги комиссияда белгиланган тартибда имтиҳон топширилиши;
  
• 
  оператор лавозимида камида 2 та навбатчилик давомида стажировкадан ўтиш;
  
• 
  маъмурият билан тўлиқ моддий жавобгарлик ҳақида шартнома тузиш.
  

3. 
   Оператор лавозимига “Ҳаракат” хизмати қошидаги комиссияда ушбу йўриқнома бўйича билимларнинг текширилишидан ўтган шахс тайинланиши мумкин, икки йилда бир марта оператор станция бошлиғи (у бўлмаганда масофа бошлиғи) да мазкур йўриқномани билиш бўйича даврий имтиҳондан ўтиши лозим.
   
4. 
   Оператор. Станция бошлиғининг тақдимига кўра “Ҳаракат” хизмати бошлиғининг буйруғи билан тайинланади, бошқа лавозимга ўтказилади ва лавозимидан озод қилинади.
   
5. 
   Оператор оператив жиҳатдан станциянинг катта операторига, маъмурий жиҳатдан эса станция бошлиғи ёки унинг ўрнини босувчи шахсга бўйсинади ва ўрнатилган жадвал бўйича навбатчиликни олб боради. Ўз хизмат мажбуриятларини бажаришда оператор иш кийимида (формада) бўлиши, ёнида зарур миқдордаги респираторларга эга бўлиши (2-4 дона), йўловчилар ва метрополитеннинг бошқа хизматчилари билан хушмуомала бўлиши, операторлар томонидан ишлаб чиқариш интизомига риоя қилиниши учун жавоб бериши керак. Ўзининг шахсий пуллари, сумкалари ва бегона буюмларнинг иш жойлари ва кассаларда сақланишига, шунингдек йўл ва юк ҳақи учун пулларни белгиланмаган жойларда йиғишга йўл қўйимаслиги зарур.
   

Форма кийимига вақтинчалик эга бўлмаган ходимлар оқ кўйлак ва тўқ кўк (қора) рангли юбкада бўлишлари керак.

6. 
   Навбатчиликка киришишдан аввал оператор иш куни учун белгиланган буйруқ, фармойиш, кўрсатма ва ташиш режасини бажариш бўйича топшириқни олиш учун станция бошлиғининг ёки унинг ўрнини босувчи маъсул шахснинг ҳузурига келиши лозим.
   

4.