Тасдиқлайман: «Ўзбекистон темир йўллари» аж бошқарув раиси ўринбосари в б. «Тошкент метрополитени» ук бошлиғи

III боб.
НАЗОРАТ-ЎТКАЗИШ ПУНКТИ

1. 
   Умумий қоидалар
   

1. 
   Назорат пунктларига хизмат кўрсатиш ва уларнинг узлуксиз иши катта оператор ва электромеханикдан иборат белгиланган штат томонидан таъминланади (навбатчилик вақтида).
   
2. 
   Йўловчилар томонидан метрополитендан фойдаланиш учун йўл ҳақи ва юк ҳақини тўлаш станцияга киришдан олдин амалга оширилади.
   
3. 
   Станция бошлиғи вақти-вақти билан назорат пункти ишини, йўл ва юк ҳақининг тўлиқ тўланишини текширишни ташкил қилиб туриши лозим.
   

2. 
   Автоматик назорат пункти (АНП)
   

1. 
   Станциядаги ҳар бир АНП га тартиб рақами берилади. Барча АНП лар ишчи ҳолатда бўлиши керак. Йўловчилар оқими камайганда алоҳида АНП лар вақтинчалик ўчирилиши ва бу ҳақида “АНП, валидатор ва терминалнинг шикастланиши ва таъмирланиши китоби”да қайд қилинади. Вақтинчалик ўчириш йўловчиларга меъёрдаги хизмат кўрсатилишини таъминлаш учун “Ҳаракат” хизматининг бошлиғи тасдиқлаган технологик жараёнга мувофиқ станция бошлиғи томонидан белгиланган соатларда амалга оширилади.
   
2. 
   АНП нинг ишчи ҳолатида таблода ўтишни таъқиқловчи сигнал ёниб туриши лозим.
   
3. 
   Йўловчи томонидан ТК, ЭЙК ёки QR чипта теккизилганда АНП таблосида ўтишга руҳсат этувчи яшил сигнал (стрелка) ёнади.
   
4. 
   АНП қопқоғи таъмирлаш, АНП ни ёқиш ва ўчириш вақтида очилиши мумкин.
   
5. 
   Станция ишининг технологик жараёни билан боғлиқ бўлмаган АНП ни ўчириш ва ёқиш катта оператор томонидан амалга оширилади.
   

Барча гуруҳ АНП ларни электртаъминотни ўчириш ва ёқиш орқали электр таъминот шкафидан ўчириш ва ёқиш таъқиқланади.

6. 
   АНП нинг ишончли ва тўғри ишлашини “Сигнализация ва алоқа” хизматининг станцияга бириктирилган электрмеханиги таъминлаши лозим бўлиб, у технологик жараёнга мувофиқ зарур профилактика кўриклари ва таъмирлашни ўтказади.
   
7. 
   Электрмеханик АНП ни текшириш ва таъмирлашни фақат катта оператор иштирокида бошлаши мумкин.
   
8. 
   АНП ишидаги барча носозликлар ва электрмеханикнинг чақирилиши (ПОС навбатчи электрмеханигига хабар бериш орқали), катта оператор томонидан “АНП, валидатор ва терминалнинг шикастланиши ва таъмирланиши китоби”да қайд қилинади.
   
9. 
   АНП қопқоғи очилган барча ҳолатларда, ишни бошлашдан олдин ва якунлагандан сўнг электрмеханик вақтни кўрсатган ҳолда “АНП, валидатор ва терминалнинг шикастланиши ва таъмирланиши китоби”да қайд қилиши зарур.
   
10. 
    Электрмеханик томонидан киритилган қайдлар АНП носозлиги хусусияти ёки технологик жараёнга мувофиқ ўтказилган ишлар рўйҳати кўрсатилган ҳолда, аниқ ва тушунарли бўлиши лозим.
    

3.