Тарихдан бир лавҳА

УЗАТИШДА ДАСТЛАБКИ ҲОЛАТ

Кортнинг турли квадрат (бўлак) ларига тўп узатишда дастлабки ҳолат узатувчи товоннининг орқа чизиққа нисбатан жойлашувига кўра фарқланади. Чап квадратга узатишда орқа чизиққа нисбатан чап оёқ товони 45⁰ ёки бир оз кўпроқ, ўнг оёқ эса параллель ҳолатда жойлашади. Ўнг томонга тўп узатишда, чап оёқ товони орқа чизиққа нисбатан 10⁰-20⁰, ўнг оёқ товони орқа чизиққа нисбатан параллель ёки панжа (олд) томони ўнгга – орқага бир оз очилган бўлиши керак (19-расм).

Дастлабки ҳолатдан тўп узатишни бошлаб, теннисчи бир оз ўнгга бурилади, тўп ташлаш учун чап қўлини бир оз четга ва юқорига олади, чап елка пастга туширилади ва ракетка ёйсимон ҳаракатда пастга-орқага ва юқорига ҳаракатланади. Шундан сўнг ракетка орқага шу йўсинда йўналтириладики, бунда унинг боши силтов охирида пастга, дастасининг ён томони эса юқорига йўналтирилган бўлиши керак. Тана белдан эгилади ва ёй кўринишидаги ҳолатни эслатувчи ҳолатга келади (20-расм, 4-рақам).


КОПТОККА ЗАРБ УРИШ
Коптокка ракетка марказидан зарб бериш керак ва бунда биринчи узатишда ҳам, шунингдек иккинчи узатишда ҳам тўр юқорисидан (ёки бир тор юқори) зарб урсангиз, копток квадрат майдони (узатиш майдони) дан четга чиқиб кетмайди. Лекин бунинг бир шарти бор – сиз тўпни жуда юқори ёки жуда ҳам паст ташламаслигингиз керак. Агар сиз коптокни ракетка маркази билан эмас, балки пастроқ ери билан урсангиз, ҳатто икки баравар кучсиз урилган копток ҳам – баланд кўтарилиб майдон четига чиқиб кетади (буни ўзингиз текширишингиз мумкин). Токи тўпни урмагунингизча бошингизни кўтариб туришингиз мумкин, акс ҳолда зарба вақтида сиз коптокни кўрмай қолишингиз мумкин. Узатиш худди ясси зарбалар каби, узун зарба ҳисобланади, шунинг учун унинг ракетка иплари билан туташуви давомли бўлиши керак. Агар сизнинг кучли узатган тўпингиз тўрга тегса, бир оз юқорироқ ташлашга уриниб кўринг, агар бу сизга ёрдам бермаса, тўпни бир оз орқароққа ташлаб кўринг (20-расм. Узатиш).