Тарихдан бир лавҳА

Мавзу: Теннис спорт турининг пайдо бўлиши ва Ўзбекистон ҳудудида ривожланиши.
Режа:


1. Теннис спорт турининг пайдо бўлиши тўғрисида қисқача маълумот
2. Теннис ўйини техникаси.
а) Теннисда ракетка танлаш
б) Теннисчининг бошланғич туриш ҳолати
в) Теннис ракеткасини ушлаш усуллари
3. Коптокка зарб уриш усуллари.
а) Ўнгдан ва чапдан зарб бериш
б) Учиб келаётган коптокка зарб уриш
в) Ўнгдан ва чапдан учиб келаётган коптокка зарб уриш
г) Бош тепасида зарб уриш (смэш)
4. Узатиш (ошириш) усуллари.
а) Узатишда дастлабки ҳолат
5. Ўйин қоидалари тўғрисида қисқача маълумот.
а) Очко учун ўйин бошлаш
б) Узатиш нотўғри ҳисобланади, узатиш қайта ўйналади
в) Ҳисоб,“тай-брейк” тизими бўйича гейм ўйналиши
г) Томонларнинг алмашинуви, матч неча сетдан иборат?

Теннис – инглизча “ўтлоқ, майсазор” деган маънони англатади.

Бу спорт ўйинида мовут қопланган резина тўпни сетка устидан ракетка билан уриб ўйналади.
Теннис XIII-XIV асрларда Италия, Франция ва Англияда пайдо бўлган. Дастлаб қўл кафтлари билан уриб ўйналган. XVI асрдан ракетка қўлланди.
Ўйин қоидалари 1874 йил инглиз У.Уингфилд томонидан ишлаб чиқилган ва 1875 йили Лаун - теннис номи қабул қилинган.
Теннисни икки киши ёки жуфт бўлиб ҳам ўйнаш мумкин.
Халқаро теннис федерацияси 1912 йил Парижда тузилган.
Теннис 1924 йилда Республикамизда ўйнала бошлади.
Биринчи теннисчилар:М. Ғозиев, Б.Исаков, В.Каплан, Б.Безверхов,

Туркистонга теннис спорти ХХ асрнинг биринчи ўн йиллигида кириб келди. Тошкентдаги биринчи теннис майдони 1903 йилда ташкил этилди, кейинчалик эса Фарғона, Қўқон ва Самарқанд барпо бўлади. 1920-30 йилларда республикада 16 та теннис майдони қурилиб, теннис билан шуғулланувчилар сони ҳам орта борди.

Урушдан кейинги йилларда Ўзбекистонда теннис юқори суръатларда ривожлана бошлади. 1959 йилдан бошлаб Тошкент шаҳрида турли миқиёсларда теннис мусобақалари ўтказила бошланди.
1960-70 йиллардан бошлаб республиканинг Андижон, Чирчиқ, Олмалиқ, Наманган шаҳарларида, Сурхандарё ва Хоразм вилоятларида теннис майдонлари қурила бошланди. Тошкент шаҳридаги “Динамо” ва “Саломатлик” стадионлари энг яхши спорт иншоотлари ҳисобланган.
Республикада теннис бўйича 40 дан ортиқ спорт усталари ва минглаб разрядли спортчилар етишиб чиқди. Булар шундан далолат берадики, Ўзбекистонда бу спорт тури билан шуғулланиш учун барча шарт-шароитлар етарли.
Теннис билан ҳамма ерда шуғулланишади. Бу спорт тури ҳақиқатдан ҳам тинчлик элчисидир. Ўйлаймизки, Ўзбекистонимизнинг мустақил давлат деб эълон қилиниши, бу ажойиб ўйин билан шуғулланувчиларнинг кўпайиб боришида ўзига хос ҳаракатлантирувчи куч бўлиб хизмат қилади.