Тарихдан бир лавҳА

ЎЙИН ҚОИДАЛАРИ ТЎҒРИСИДА ҚИСҚАЧА
МАЪЛУМОТ


ЎЙИН МАЙДОНИ

Теннис майдон (корт) ўйин учун жой бўлиб хизмат қилади. У чизиқлар билан чегараланади ва копток четга чиқиб кетмаслиги учун атрофи тўр билан ўралади. Якка ўйин учун майдон 23,77 м. узунликдаги ва 8,23 м. кенгликдаги тўртбурчакдан иборат бўлади (21-расм).

Майдонни чегараловчи бўйлама чизиқлар ён чизиқ деб аталади, кўндаланг чизиқлар эса орқа чизиқ деб аталади. Майдоннинг кўндаланг томон марказидан 6,4 метр нари масофада ва унга параллел равишда узатиш чизиқлари жойлашади. Ҳар бир орқа чизиқнинг ўртаси узунлиги 10 см ва эни 5 см ли ўрта белги деб аталувчи кесма билан белгилаб қўйилади. Бу кесма майдон ичкарисига йўналтирилган. Жуфт ўйин учун майдоннинг кенглиги 10,97 м. бўлиб, қолган ўлчамлари якка ўйин учун майдон ўлчамларига мос келади. Шу сабабли кўп

ҳолларда жуфтлик ўйин майдончасидан якка ўйин учун ҳам фойдаланилади. Барча белгилаш чизиқларининг кенглиги – 5 см., чизиқларнинг кенглиги ўзлари

чегараланган майдоннинг ўлчамига киради. Майдон ташқарисидаги эркин жой “югуриш сатҳи” деб аталади. Ўлчамлари орқа чизиқлардан – камида 6,4 м, ён чизиқлардан камида 3,7 м. Майдончалар очиқ ҳавода ва биноларда қурилиши мумкин. Майдон ва югуриш сатҳининг қопламлари таркибига кўра бир турда бўлиши шарт. Улар тупроқли (махсус аралашмадан), майсали, сунъий қоплама бўлиши мумкин. Майдоннинг кўндаланг чизиғи ўртасида жойлашган икки устун орасидан кўпи билан 0,8 см. Бўлган металл чилвир ёрдамида тўр тортилади. Тўрнинг майдон ўртасидаги баландлиги 0,914 м, устунлар олдидаги баландлиги эса 1,07 м. бўлади. Агар жуфтлик ўйин майдонида якка ўйин ўтказилса, тўрни 1,07 м. баландликда тутиб туриш учун, якка ўйин учун устунлар туриши керак бўлган жойларга махсус тиргаклар қўйилади. Ҳар бир тиргакнинг ўртаси якка ўйин ён чизиғидан 0,91 м. масофада жойлашиши керак. Майдончага ўрнатилган тиргаклар жойлашадиган ер диаметри 7,5 см. ли белгилар билан белгилаб қўйилади.