Tarbiyachi tashkil etishni, yurishni, hazillashishni, quvnoq, jahldor bo’lishni bilishi lozim, u o’zini shunday tutishi kerakki, uning har bir harakati tarbiyalasin

Maqsad:

1. Ta’limiy maqsadlar:

O’quvchilarni quyidagi tushunchalar bilan tanishtirish.

- ko’phadni ko’paytuvchilarga ajratish;

- ko’phad hadlaridagi umumiy ko’paytuvchi;

- qisqa ko’paytirish formulalarini ko’phadni ko’paytuvchilarga ajratishda qo’llash.

2. Tarbiyaviy maqsadlar:

- to’g’ri qo’yilgan va yoritib borilgan tushunchalardan qoniqish hissini uyg’otish;

- o’z-o’ziga ishonishni mustahkamlash;

3. Rivojlantiruvchi maqsadlar:

- nazariy xulosa chiqarishni o’rganish;


Bilimlar: Mavzuni o’rganish natijasida o’quvchilar quyidagi bilim va ko’nikmalarga ega bo’lishlari lozim.

- ko’phadni ko’paytuvchilarga ajratishni bilish;

- ko’phad hadlaridagi umumiy ko’paytuvchi nimaligini bilish;

- ko’phad hadlarini guruhlash nimaligini bilish;

-qisqa ko’paytirish formulalarini ko’phadni ko’paytuvchilarga ajratishda qo’llashni bilish


Ko’nikmalar:

- olingan bilimlar yordamida ko’phadni ko’paytuvchilarga ajratish yo’lini tanlay olish

- ko’phad hadlaridagi umumiy ko’paytuvchini aniqlab, umumiy ko’paytuvchini qavsdan chiqara olish

- ko’phad hadlarini guruhlay olish va har bir guruhdan umumiy ko’paytuvchini qavsdan chiqara olish

- ko’phadni sun’iy usulda ko’paytuvchilarga ajratish uchun qulaylik tug’diruvchi yordamchi qo’shiluvchilarni tanlab qo’sha olish yoki ko’phad hadlarini yig’indi shaklida yozish