Sog’lom ovqatlanish
Hozirgi kunda to’kin dasturxonga o’tirgan har bir kishi avvalo organizmi va salomatligi uchun zarur bo’lgan ovqatlardan iste’mol qilish kerakligini bilish kerak. Bu to’g’ri va oqilona ovqatlanishging asosiy sharti.Kundalik hayotimizda amal qilishimiz lozim bo’lgan muhim qoidalardan biri bu ovqatlanish tartibidir.
Suvning ahamiyati.
Suv inson organizmining 70 foizini tashkil etadi.
Organizmning hayot kechirishida, fiziologik jarayonlarning mu’tadil kechishida suv hal qiluvchi rol o’ynaydi. Suvsiz ovqat hazm qilish ham, hujayralardagi moddalar almashinuvi ham mumkin emas. Shu boisdan organizm uchun zarur miqdorda suvning iste’mol qilinishi inson salomatligini saqlashning asosiy shartlaridan biri hisoblanadi.
Shuni aytish kerakki, issiq ichimliklar sovug’iga qaraganda chanqoqni tezroq qondiradi. Kun issiq paytlarda odam ko’proq suyuqlikka ehtiyoj sezadi. Bunda suyuqliklardan ko’k choy ichish maqsadga muvofiqdir. Iqlimi issiq joylarda bir kecha-kunduzda 3 litrdan 5 litrgacha suyuqlik iste’mol qilinadi.
Ovqatlanishning oltin qoidalari:
oqilona ovqatlanish to’g’risidagi adabiyotlarni ko’proq o’qish orqali bu boradagi bilim, malaka va ko’nikmalarini oshirib borishi lozim;
agar farzandingiz biron-bir kasallikni boshidan kechirsa yoki qandaydir surunkali kasalliklari bo’lsa, ovqatlanish tarkibini belgilab olish uchun, albatta shifokor maslahatini olish kerak;
ovqat turlarini tanlashda birinchi navbatda farzandingiz sog’lig’ini e’tiborga oling;
farzandingizni doimiy va uzoq vaqt bir xil turdagi ovqat mahsulotlarini iste’mol qilishdan saqlang;
har doim o’z vaqtida ovqatlanish zarurligini tushuntiring;
ovqat mahsulotlarida zarur ovqat moddalari bir-biriga nisbatan muvozanatlashgan holda bo’lishi kerak (oqsillar, yog’lar, karbon suvlar);
iste’mol qilinayotgan ovqat mahsulotlari toza, muddati o’tmagan va yetarli darajada texnik qayta ishlovdan o’tgan bo’lishi kerak;
doimo yaxshi kayfiyatda ishtaha bilan ovqatlanish tavsiya etiladi;
ovqat mahsulotlarining tashqi ko’rinishi chiroyli bo’lishi, uning rangi, hidi, ko’rinishi odam ishtahasini ochishi kerak;
ovqatlanayotganda iloji bo’lsa, yaxshi voqyea va hodisalar to’g’risida fikrlash yoki gaplashish zarur;
doimiy ravishda yuqori kaloriyali yog’li ovqat mahsulotlarini iste’mol qilishdan saqlanish kerak;
iste’mol qilinayotgan ovqat mahsulotining harorati me’yorda bo’lishi lozim, o’ta issiq va sovuq holda iste’mol qilish organizm uchun zarar hisoblanadi;
iste’mol qilingan ovqat organizmda noxushlik keltirib chiqarsa, ko’ngil aynish, qusish, og’riq yoki boshqa belgilar paydo bo’lsa, albatta, birinchi navbatda vrachga murojaat qilish zarur va keyingi ovqatlanish tartibi to’g’risida maslahatlar olish kerak bo’ladi.
Do'stlaringiz bilan baham: |