Ta’limga investitsiya kiritishni rag‘batlantirish yo‘llari

5-rasm. Hududlar kеsimida maktabgacha ta’lim tashkilotlari bilan qamrovi, %¹¹
2020 yilda umumiy o‘rta ta’limga Davlat byudjeti xarajatlari 2019 yilga nisbatan 12 foizga o‘sdi va 20 736,1 mlrd so‘m miqdorida tasdiqlangan bo‘lib haqiqatda ijrosi 21 860,4 mlrd so‘mni tashkil etdi.

6-rasm. Umumta’lim maktablari asosiy ko‘rsatkichlari¹²
Ko‘rsatkichlarga nazar soladigan bo‘lsak, 2020 yilda umumta’lim maktablari soni 63 taga oshib 10 097 taga yetdi, undagi tahsil oladigan o‘quvchilar soni esa 6255000 kishini tashkil etdi. Maktablarda ta’lm beradigan o‘qituvchilar soni esa 38 mingtaga oshib, 504 mingtaga yetdi. Umuman davlat byudjetining ushbu ta’lim muassasalarini moliyalashtirish uchun ajratilayotgan mablag‘lar miqdori esa 2022-yilda 21 860,4 mlrd so‘mga yetdi.
Shuningdek, umumta’lim maktablaridan tashqari bolalar sporti, musiqa va san’atini rivojlantirish uchun joylarda bolalar musiqa va san’at maktablari tashkil etilgan bo‘lib, ularning soni 2020-yilda 10 taga oshdi va 323 taga yetdi. Bu ta’lim muassasalarida tahsil oladigan o‘quvchilar soni esa 91 353 nafarga yetdi. Davlatimiz byudjet mablag‘laridan bolalar musiqa va san’at maktablarini saqlash xarajatlai esa 448,8 mlrd so‘mni tashkil etdi.
Maktabni tugatgandan so‘ng bolalar kasb-hunar ta’limi va akademik litseylar bilan qamrab olindi yoki ularning ta’limi oliy ta’lim dargohlarida davom ettirish tizimi yo‘lga qo‘yildi. Xususan, bularga alohida to‘xtalib o‘tadigan bo‘lsak, davlatimiz byudjetidan kasb-hunar kollejlari uchun 1 014,9 mlrd so‘m, akademik litseylar uchun 221,5 mlrd so‘m, oliy va boshqa o‘quv yurtlari uchun esa 1968,8 mlrd so‘m miqdoridagi mablag‘lar ajratildi.
Bularning barchasi mamlakatimizda kadrlar siyosatini muvaffaqiyatli amalga oshirish, iqtisodiyotimiz tarmoqlarini malakali kadrlar bilan ta’minalsh uchun yo‘naltirilgan.
2020 yilda kasb-hunar kollejlari va akademik litseylarni saqlash xarajatlari o‘tgan yilga nisbatan qisqardi. Bu bir tomondan, umumta’lim maktablarida 10-11 sinflarning tashkil etilishi munosabati bilan ta’lim oluvchilarning kamayishi hamda boshqa bir tomondan koronavirus pandemiyasi ta’siri bilan izohlanadi.
2020-yilda kasb-hunar va akademik litseylar soni 808 taga yetdi va unda ta’lim oladigan yoshlar soni 131 ming kishini tashkil etdi. Kasb-hunar kollejlari va akademik litseylarni saqlash xarajatlri esa 1236,4 mlrd so‘mga qadar oshirildi.