Таълим вазирлиги Ўзбекистон Республикаси

6.9-расм. Ташкилотнинг кадрлар стратегиясини ишлаб чиқишга таъсир этувчи омиллар

Уларнинг асосийлари:

• 
  муайян ташкилотнинг вазифаси, унинг шаклланиш босқичида аниқланадиган, бозорнинг тегишли сегментида унинг дастлабки пайдо бўлиши, фаолият кўрсатиши ва янада ривожланиши глобал концепцияси сифатида. Бу унинг мавжудлиги маъносини жамланган ифодасидир, яъни ташкилотнинг бозорда пайдо бўлиши ва (ёки) мавжудлиги мақсадга мувофиқлигини белгилайди, бу уни ўзига хос қилади. Қоидага кўра, миссия маълум вақт давомида ўзгармайди ва шунинг учун стратегик режалаштириш
  

жараёнида компаниянинг стратегик ривожланишининг умумий йўналишини белгилайдиган маълум бир доимий константа сифатида кўриб чиқилади;

• 
  потенциал ва мавжуд ходимлар нигоҳида муайян ташкилот имиджи;
  
• 
  ёлланма персонал жалб қилиш ва ушлаб қолиш бўйича муайян ташкилотнинг молиявий имкониятлари;
  
• 
  персонал хизмати ходимларининг малакавий даражаси (ҳар қандай бошқарув тизимларини жорий қилиш амалиёти бир неча бор якуний натижаларнинг ижрочилар малакасига боғлиқ эканлигини исботлаб берган).
  

Инсон ресурсларини бошқариш стратегиясини танлаш ташкилотнинг ҳаётийлик даври, унинг ривожланиш стратегияси, ташкилот ҳажми каби омилларни, шунингдек, ташқи муҳит хусусиятларини ҳисобга олган ҳолда амалга оширилиши лозим. Инсон ресурсларини бошқариш стратегиясини белгилаб берадиган асосий омиллар 6.8-жадвалда акс эттирилган.

6.8-жадвал Персонални бошқариш стратегиясини белгилаб берадиган асосий

омиллар

Омил	Тавсиф
Ташкилот стратегияси	Инновацион стратегия. Харажатларни минималлаштириш стратегияси. Сифатни яхшилаш стратегияси
Ташкилотнинг ҳаётийлик даври	Шаклланиш босқичи Ўсиш Етуклик Қайта ташкил қилиш, ишлаб чиқаришни қисқартириш ёки фаолиятни тўхтатиш
Ташкилот ҳажми	Йирик Ўрта Майда
Атроф-муҳит	Ресурслар билан таъминланганлик (кам - кўп). Динамиклик (ҳаракатчан – барқарор). Мураккаблик даражаси (оддий – мураккаб)

Компания доирасида стратегия жорий қилишни таъминлайдиган асосий омиллар қаторига ташкилий структура, тизимлар (ахборот тизими, ҳисоб тизими, бюджетлаштириш тизими, молиявий ва ишлаб чиқариш кўрсаткичларини ўлчаш тизими, режалаштириш тизими), одамлар (ташкилот персонали) ва ташкилот маданияти. Реалистик стратегия уларнинг самарали композициясига таяниши лозим.

Баён қилинганлар билан бир қаторда, стратегия ишлаб чиқишга бошқа омиллар (6.8-жадвал), жумладан, субъектив характерли омиллар ҳам таъсир кўрсатиши мумкин (масалан, ташкилот раҳбари персонал менежмент ролини тушуниши, чизиқли бўлинмалар раҳбарлари орасида персонал хизмати бошлиғининг шахсий обрўси ва ҳ.к.). Ушбу жараёнга персонални бошқаришни қайта ташкил қилиш мақсадга мувофиқлиги улар учун доим ҳам яққол кўриниб турмайдиган ташкилот таъсисчилари ҳам ҳал қилувчи таъсир кўрсатиши мумкин. Ниҳоят, уни амалга ошириш жараёнида маълум бир стратегияга тезкор ўзгариш киритиш заруратини ҳам ҳисобга олиш керак, бу умумий иқтисодий ва сиёсий беқарорлик шароитларида деяли доимо муқаррардир.
Ташкилотнинг кадрлар стратегиясини амалга оширишга таъсир этувчи омиллар 6.10-расмда келтирилган.
Стратегияни муваффақиятли амалга ошириш учун персонални стратегик бошқариш, яъни инсон ресурсларини бошқаришнинг қуйидаги моделларидан фойдаланиш мумкин (6.9-жадвал).