Таълим вазирлиги самарқанд иқтисодиёт ва сервис институти

1.1-расм. Ташкилотда менежмент тизимининг таркиби.

Юқоридаги ёндашувларга кўра маъмурий менежментнинг қуйидаги таърифларини келтириш мумкин:

1. Маъмурий менежмент-бу давлат бошқаруви ва маъмурий-ҳудудий бошқарув тузилмалари фаолиятини ташкил этиш ҳамда мувофиқлаштиришга қаратилган фаолиятдир.
2.Маъмурий менежмент-бу ташкилотдаги турли функционал вазифаларни бажарувчи маъмурий ходимларни ташкилотнинг мақсадига эришишга аниқ йўналтириш, фаолиятини ташкил этиш ва шу орқали қуйилган вазифаларни амалга ошириш жараёнидир.
3.Маъмурий менежмент-бу бошқарувнинг турли даражаларида маъмурий бошқарув усулларини жорий этиш ва бошқарувнинг самарадорлигини оширишга қаратилган фаолият туридир.
4. Маъмурий менежмент-бу режалаштириш, ташкил қилиш, тартибга солиш ва мувофиқлаштириш асосида мавжуд бошқарув ресурсларидан самарали фойдаланишни таъминлашга қаратилган жараён.
Маълумки, фаннинг предмети деганда унинг нимани ўрганиши, қандай жараён ва воқеаларни қамраб олиши назарда тутилади. Ушбу фаннинг предмети бўлиб ташкилотнинг турли даражаларида юзага келадиган ҳамда бошқарув тизимининг самарадорлигини оширишга қаратилган ҳодиса ва жараёнлар ҳисобланади.
Бозор иқтисодиёти шароитида маъмурий бошқарув асосларини яхши эгаллаш менежерларнинг билими ва маҳоратини ошириб, самарали фаолият юргизишнинг муҳим шартларидан бўлиб ҳисобланади.
Маъмурий менежментнинг асосий вазифаларига қуйидагилар киради:

• 
  маъмурий менежмент фанининг шаклланиши ва кейинги ривожланиш йўналишларини ўрганиш;
  
• 
  маъмурий ходимлар фаолиятини ташкил этиш, маъмурият бинолари ва ходимларнинг хизмат хоналарига қўйиладиган асосий талабларни ўрганиш;
  
• 
  маъмурий менежментда вазифа ва ваколатларнинг самарали тақсимланишини ташкил этиш;
  
• 
  маъмурий менежментда ходимларга ижтимоий ва моддий шарт-шароитларни яратиш;
  
• 
  маъмурий ходимлар фаолиятини баҳолаш ва кадрлар сиёсатини самарали ташкил этиш;
  
• 
  мажлисларни ташкил этиш, ўтказиш ва қарорлар ижросини таъминлаш бўйича тадбирларнинг самарадорлигини ошириш масалаларини тадқиқ қилиш;
  
• 
  маъмурий менежментда хизмат этикети ва унинг асосий жиҳатларини ўрганиш, расмий учрашувларнинг асосий турлари ва уларни ўтказиш қоидаларини ўрганиш;
  
• 
  маъмурий менежмент бўйича жараёнларнинг натижаларини баҳолаш ва самарадорлигини ошириш йўналишларини ўрганиш.